لە مانگێكدا زیاتر لە 350 نەشتەرگەری لە نەخۆشخانەیەكی سلێمانی ئەنجامدراوە

بەڕێوەبەرایەتی گشتی تەندروستی سلێمانی

نەخۆشخانەی فێركاری سلێمانی

تەنها مانگی رابردوو 361 نەشتەرگەری لە نەخۆشخانەی فێركاری سلێمانی ئەنجامدراوە، كە 52 دانەیان نەشتەرگەری گەورە بوون و 11 هەزار و 552 پشكنینی جۆراوجۆری تاقیگەییش ئەنجام دراون.

بەڕێوەبەرایەتی گشتی تەندروستی سلێمانی رایگەیاند: بەپێی ئاماری بەڕێوبەرایەتیمان، تەنها لە رێكەوتی 1 بۆ 2025ی 8ی 31، لەنەخۆشخانەی نەشتەرگەری فێركاری لەشاری سلێمانی، 361 نەشتەرگەری جۆراوجۆر ئەنجام دراون، كە 12 نەشتەرگەریان تایبەت و 121 نەشتەرگەریان سەروو گەورە و 52 نەشتەرگەری گەورە و 156 نەشتەرگەری مام ناوەند و 20 نەشتەرگەری بچووك بوون.

راشیگەیاندووە: هەر لەمانگی رابردوودا لەنەخۆشخانەی نەشتەرگەری فێركاری 85 پشكنینی تیشك و 165 پشكنینی سۆنەر و 45 پشكنینی سیتی سكان لەو نەخۆشخانەیە ئەنجامدراون، هەروەها 148 چارەسەری سروشتی كراوە و 20 نەخۆش سەردانی بەشی چاندنی ددانیان كردوە و 11 هەزار و 552 پشكنینی جۆراوجۆری تاقیگەیی ئەنجام دراون.

 PUKMEDIA