دەزگای ئاسایشی هەرێم دەستگیرکردنی باندێکی بازرگانی کۆچبەری نایاسایی رادەگەیەنێت

نوسینگەى راگەیاندنى دەزگای ئاسایش

وێنەیەکى کاتى ئۆپراسیۆنەکە

بەرێوەبەرایەتی لێکۆڵینەوەی دەزگای ئاسایش لە راگەیەنراوێکدا رایگەیاند: بەهەماهەنگی بەرێوەبەرایەتی ئاسایشی بازگەکان، توانیان بازرگانێکی هێنانی کۆچبەری نایاسایی و 6 کەس بەتۆمەتی هاوکاریکردنی دەستگیربکەن.

ئەمڕۆ چوارشەممە 10ى9ى2025 بەرێوەبەرایەتی لێکۆڵینەوەی دەزگای ئاسایش راگەیەنراوێکى بڵاوکردەوە، کە کۆپیەکى بۆ PUKMEDIA  نێردراوە، رایگەیاند:  بەهەماهەنگی بەرێوەبەرایەتی ئاسایشی بازگەکان، توانیان بازرگانێکی هێنانی کۆچبەری نایاسایی و 6 کەس بەتۆمەتی هاوکاریکردنی دەستگیربکەن.

ئەوەشخراوەتەڕوو: دوای بەدواداچوون و چاودێری ورد و کۆکردنەوەی زانیاری لەسەر باندێکی بەقاچاغ هێنانە ناوەوەی هاووڵاتی بیانی بۆ هەرێمی کوردستان، بەبڕیاری دادوەرەی لێکۆڵینەوەی ئاسایش توانرا شەوی 14ى8ى2025 بازرگانێکی هێنانی کۆچبەری نایاسایی و 6 تۆمەتباری هاوکاری دەستگیربکەن و لەچالاکییەکەدا 14 هاووڵاتی کۆچبەری نایاسایی لەکاتی هێنانیان بۆ هەرێمی کوردستان دەستگیرکران کە لەناو بارهەڵگرێکدا شاردرابوونەوە.

هەر لە راگەیەنراوەکەدا ئاماژە بەوەشدراوە: لەئێستادا تۆمەتباران بەپێی ماددەی 39 لەیاسای مانەوە راگیراون و لێکۆڵینەوە لەدۆسیەکانیان بەردەوامە.

PUKMEDIA