لەسەر داوای پەرلەمانتارێكی یەكێتی پزیشك و ئۆتۆمبێل بۆ تەندروستی قەرەهەنجیر دابیندەكرێت

PUKMEDIA

دیلان غەفور و وەزیری تەندروستی عیراق

وەزیری تەندروستی عیراق، لەسەر داوای پەرلەمانتارێكی یەكێتی، رەزامەندیی لەسەر دابینكردنی پزیشك و كارمەند و ئۆتۆمبێلی تایبەت بە گواستنەوەی نەخۆش  بۆ بنكەی تەندروستی قەرەهەنجیر دەربڕی.

دیلان غەفور، ئەندامی ئەنجومەنی نوێنەرانی عیراق لە فراكسیۆنی یەكێتی، بە وێبسایتی رەسمی یەكێتیی نیشتمانیی كوردستان، PUKMEDIA ی راگەیاند: بە مەبەستی بەدواداچوون بۆ چەند پرسێكی تەندروستی و چارەسەركردنی چەند كێشەیەك لە پارێزگای كەركوك، سەردانی وەزیری تەندروستی عیراقم كرد.

راشیگەیاند: بە سوپاسەوە وەزیری تەندروستی عیراق رەزامەندیی لەسەر چەند داواكارییەكمان دەربڕی كە بە نووسراو ئاڕاستەمان كرد، لەوانەش دابینكردنی ئامێرێكی تایبەت بە چارەسەركردنی پاشماوەی پزیشكی بۆ شاری كەركوك، هەروەها دابینكردنی پزیشك و كارمەند بۆ بەشی ژنانی بنكەی تەندروستی قەرەهەنجیر و دابینكردنی ئۆتۆمبێلێكی تایبەت بە گواستنەوەی نەخۆش بۆ هەمان بنكە كە پێویستییەكی گرنگ بوو بۆ خەڵكی قەرەهەنجیر.

PUKMEDIA