کۆمسیۆن نزیکەی 800 کاندید لە هەڵبژاردنی ئەنجومەنی نوێنەران دووردەخاتەوە

PUKMEDIA

پرۆسەی دەنگدان

کۆمسیۆنی باڵای سەربەخۆی هەڵبژاردنەکانی عیراق بەردەوامە لە وردبینی کردنی ناوی کاندیدەکان و بەپێی نوێترین ئامار ژمارەی كاندیدە دورخراوەكان گەیشتووەتە نزیكەی 800 كاندید.

كۆمیسیۆنی باڵای سەربەخۆی هەڵبژاردنەكانی عیراق رایگەیاند، تائێستا 786 كاندید بە هۆكاری جیاجیا لە هەڵبژاردنی داهاتووی ئەنجومەنی نوێنەران دورخراونەتەوە و هۆكاری دورخستنەوەی زۆربەشیان تاوان و گەندەڵی , و لێپرسینەوەی دادپەروەری بووە، كە ژمارەیان 370 كاندیدە.

پەیوەست بە ژمارەی ئەو کاندیدانەی کە لە کێبڕکێی هەڵبژاردنەکەدا ماون، کۆمسیۆن ئاشکرای کردووە: ئێستا حەوت هەزار و 709 كاندید ماونەتەوە و 46 تانەی كاندیدەكانیش لەبەردەست كۆمسیۆندان و كاریان لەسەر دەكرێت.

بڕیارە رۆژی 11ی11ی2025، هەڵبژاردنی ئەنجومەنی نوێنەرانی عیراق بەڕێوەبچێت و بەپێی رێنماییەكانی كۆمیسیۆن، دەبێت 30 رۆژ پێش لە هەڵبژاردن ناوی كاندیدەكان پەسەند كرابێت.

PUKMEDIA