نرخی نەوت بەرزدەبێتەوە

PUKMEDIA

نرخی نەوت

ئەمڕۆ دووشەممە 8ی ئەیلولی 2025، نرخی نەوت بەرزبوونەوەی بەخۆیەوە بینی، ئەمەش دوای ئەوەی ئۆپێک+ لە سەرەتای ئەم هەفتەیەدا رەزامەندی دەربڕی لەسەر زیادکردنی بەرهەمهێنان.

نرخی بەرمیلێک نەوتی خاوی برێنت گەیشتە 65 دۆلار و 84 سەنت بۆ هەر بەرمیلێک، هاوکات نەوتی خاوی ئەمریکی تەکساس گەیشتە 62 دۆلار و17 سەنت.

ئەمەش لەکاتێکدایە، رێکخراوی ئۆپێک+ کەڕێکخراوی وڵاتانی هەناردەکاری نەوت (ئۆپێک) و رووسیا و وڵاتانی دیکەی هاوپەیمانەکانی لەخۆدەگرێت، رێککەوتن لەسەر زیادکردنی بەرهەمهێنانی نەوت لە مانگی تشرینی یەکەمەوە.

هاوکات، بڕیارە لە مانگی تشرینی یەکەمەوە هەشت وڵاتی ئەندامی ئۆپێک+ بەرهەمهێنانیان بە ڕێژەی 137 هەزار بەرمیل لە رۆژێکدا زیاد بکەن، ئەمەش بە شێوەیەکی بەرچاو کەمترە لە زیادبوونی مانگانەی نزیکەی 555 هەزار بەرمیل لەڕۆژێکدا لە مانگەکانی ئەیلول و ئاب، هەروەها 411 هەزار بەرمیل لەڕۆژێکدا لە مانگەکانی تەمموز و حوزەیران.

PUKMEDIA