یەكەم رۆژی پایز دەرگای خوێندنگەكان دەكرێنەوە

ئەرشیف

پڕۆسەی خوێندن

ئەنجومەنی وەزارەتی پەروەردە، ساڵنامەی خوێندنی ساڵی (2025 - 2026) ی پەسندكرد و رۆژی یەكشەممە 21 ی 9 ی 2025 ی وەك دەستپێكی ساڵی خوێندنی (2025 - 2026) دیاریكرد.


وەزارەتی پەروەردەی حكومەتی هەرێم رایگەیاند: رۆژی یەكشەممە، رێكەوتی 7 ی 9 ی 2025، ئەنجومەنی وەزارەتی پەروەردە ساڵنامەی خوێندنی ساڵی (2025 - 2026) ی پەسندكرد، كە تیایدا رۆژی یەكشەممە 21 ی 9 ی 2025 ی وەك دەستپێكی ساڵی خوێندنی (2025 - 2026) دیاریكرد، بۆ خوێندنگە حكومییەكان و ئەو خوێندنگە ناحكومییانەی بە سستمی وەزارەتی پەروەردە دەخوێنن.

راشیگەیاند: دواتر وردەكاری ساڵنامەكە بە گشتاندنێك لەلایەن بەڕێوەبەرایەتی گشتی تاقیكردنەوەكان و ساڵنامەی خوێندنەوە، ئاڕاستەی بەڕێوەبەرایەتی گشتی پەروەردەی پارێزگاكان و ئیدارە سەربەخۆكان دەكرێت، هەروەها ئەنجومەنی وەزارەت لە كۆبوونەوەكەدا خشتەی بەشەوانەكانی بۆ ساڵی خوێندنی (2025 - 2026) پەسندكرد، پاشتر لەلایەن بەرێوەبەرایەتی گشتی پڕۆگرام و چاپەمەنییەكان گشتاندنی پێدەكرێت و ئاڕاستەی ناوەندەكانی خوێندن دەكرێت.

PUKMEDIA