دادگا له‌ دژی زیره‌كی ده‌ستكرد هاته‌ ده‌نگ

University of cincinnate

AI

به‌هۆی چه‌ند رووداوێكی خۆكوشتن و تاوانكاریه‌وه‌ له‌ ئه‌مریكا داواكاری گشتی دوو ویلایه‌ت سكاڵایان له‌سه‌ر زیره‌كی ده‌ستكرد جوڵاندووه‌ و داوای نوێكردنه‌وه‌ی به‌په‌له‌ی به‌رنامه‌كه‌ ده‌كرێت.

رۆژنامه‌ی فینانشاڵی به‌ریتانی راپۆرتێكی بڵاوكردووه‌ته‌وه‌و تێیدا ئاماژه‌ به‌وه‌دراوه‌: هه‌ریه‌كه‌ له‌ رۆب بۆنتا، داواكار گشتی ویلایه‌تی كالیفۆرنیا و ویكاسی گینیگز، داواكاری گشتی ویلایه‌تی دیلاوێری ئه‌مریكا به‌هۆی چه‌ند رووداوێكی خۆكوشتن و تاوانكارییه‌وه‌ له‌لایه‌ن ئه‌و كه‌سانه‌ی زیره‌كی ده‌ستكرد به‌كارده‌هێنن سكاڵایان دژی زیره‌كی ده‌ستكرد (CHAT GPT) جوڵاندووه‌. 

له‌راپۆرته‌كه‌دا باسله‌وه‌شكراوه‌: ئه‌و دوو داواكاره‌ گشتییه‌ سكاڵاكه‌یان گه‌یاندووه‌ته‌ رێكخراوی (OPEN AI)  كه‌ رێكخراوێكی قازانج نه‌ویسته‌ و كار بۆ به‌ره‌وپیشبردنی زیره‌كی ده‌تسكرد له‌خزمه‌تی مرۆڤایه‌تی ده‌كات و داوایان كردووه‌ كه‌ (CHAT GPT) به‌زووترین كات به‌رنامه‌كانی نوێ بكرێته‌وه‌و به‌ته‌واوه‌تی ره‌چاوی سه‌لامه‌تی مرۆڤ بكرێت و به‌دووربێت له‌پێدانی زانیاری بۆ هه‌ر تاوانكارییه‌ك.

PUKMEDIA