یونیسێف: زیاتر لە 700 هەزار منداڵ لە غەززە لە خوێندن بێبەشن

My Metro

غەززە

بەپێی ئامارێکی یونیسێف زیاتر لە 700 هەزار منداڵ لە کەرتی غەززە لە خوێندن بێبەشن و خوێندنگەکان بوونەتە شوێنی مانەوە و حەوانەوە.

رێکخراوی نەتەوەیەگرتووەکان بۆ منداڵان "یونیسێف" رایگەیاندووە: منداڵانی غەززە لە ئەنجامی هێرشەکانی ئیسرائیل لە کەرتی غەززە لە مافی خوێندن بێبەش کراون و خوێندنگەکان بوونەتە شوێنی حەوانەوە و مانەوەی دانیشتوانی غەززە، هاوکات ماڵەکان خاپورکراون و شوێنێک نەماوە بۆ خوێندن و فێربوونی منداڵانی ئەو کەرتە.

یونیسێف ئەوەشی خستووەتەڕوو، بەپێی ئامارەکان زیاتر لە 700 هەزار منداڵ لەکەرتی غەززە لە خوێندنی رەسمی بێبەشن.

ئەمەش لە کاتێکدایە، ئەمڕۆ وەزیری بەرگری ئیسرائیل رایگەیاند: "لەمەودوا دەرگای دۆزەخ بەرووی غەززەدا دەکرێتەوە و هێرشەکان چڕتر دەکەینەوە".

PUKMEDIA