ترەمپ بڕیاریدا ناوی پنتاگۆن بگۆڕێت

رۆیتەرز

دۆناڵد ترەمپ سەرۆکی ئەمریکا

ئەمڕۆ 5ی9ی2025 دۆناڵد ترەمپ سەرۆکی ئەمریکا ئەو بڕیارە ئیمزا دەکات، کە لەمەبەدوا وەزارەتی بەرگری ناوە نوێیەکەی وەک نازناوی لاوەکی بەکاربهێنێت و وەزیری بەرگری پیت هێگسێت بە وەزیری جەنگ بناسێت.

ئاژانسی هەواڵی بی بی سی بڵاویکردەوە، ئەو بڕیارەی ترەمپ لەکاتێکدایە کە پێیوایە، ناوی "وەزارەتی جەنگ" پەیامێکی بەهێزتری ئامادەیی و ئیرادە دەگەیەنێت بە بەراورد بە "وەزارەتی بەرگری"، کە تەنها جەخت لەسەر تواناکانی بەرگری دەکاتەوە، هاوکات بڕیارەکە سکرتێر هێگسێت ئاڕاستە دەکات کە پێشنیاری یاسایی ئامادە بکات بۆ ئەوەی بەرەو گۆڕینی ناوی تەواوی وەزارەتەکە هەنگاو بنێت.

راشیگەیاندووە:لە بڕیارەکەدا هاتووە کە گەڕاندنەوەی ئەو نازناوە مێژووییە "دەبێتە هۆی تیژکردنەوەی زیاتری ئەم وەزارەتە لەسەر بەرژەوەندی نیشتمانیمان و ئاماژەیە بۆ ئامادەیی ئەمریکا بۆ نەیاران و شەڕکردن لەپێناو دەستەبەرکردنی بەرژەوەندییەکانیدا.
ئەمەش لەکاتێکدایە، هەرچەندە گۆڕینی ناوەکە تاڕادەیەک چاوەڕوانکراو بوو، بەڵام بڕیارەکە دوای ئەوە دێت کە چین پەردەی لەسەر کۆمەڵێک چەکی نوێ و فڕۆکەی بێفڕۆکەوان و رەقەکاڵا سەربازییەکانی دیکەی لادا لەنمایشێکی گەورەدا، کە زۆرێک وەک پەیامێکی روون بۆ ئەمریکا و هاوپەیمانەکانی لێکیان دایەوە.

پنتاگۆن - کە سەرپەرشتی خزمەتگوزارییە چەکدارەکانی ئەمریکا دەکات - جێنشینی وەزارەتی جەنگە، کە بۆ یەکەمجار وەک دەزگایەکی ئاستی کابینە لە ساڵی 1789 دامەزراوە و تا ساڵی 1947بوونی هەبووە، بەرپرسیارێتی دروستکردنی بەشی جێبەجێکردن لە ئەستۆی کۆنگرێسی ئەمریکایە، بەو مانایەی کە هەموارکردنەوەیەک پێویستە بۆ گۆڕینی یاسایی ناوی وەزارەتەکە.

PUKMEDIA