تەرمی خوێندکارەکەی کۆلێژی سەربازی قەڵاچوالان گەڕێنرایەوە بەغدا

PUKMEDIA

تەرمی خوێندکارەکەی کۆلێژی سەربازی قەڵاچوالان گەڕێنرایەوە بەغدا

وەفدێکی سەربازی عیراق، بۆ لەنزیکەوە ئاگاداربوون لەڕووداوەكەی كۆلێژی سەربازی قەڵاچوالان، کە لەکاتی مەشقى ته‌قه‌كردن-دا روویدا، سەردانی بنکەی هیزەکانی 70 یانکرد، هاوکات لەڕێورەسمێکی شایستەدا له‌فڕۆكه‌خانه‌ى نێوده‌وڵه‌تى سلێمانى ماڵئاوایی لە ته‌رمى خوێندكار (یوسف عه‌بدوڵڵا) کرا، کە لەڕووداوەكه‌دا گیانیلەدەستدا.

 لیوا روکن عومه‌ر ساڵح فەرماندەی هێزەکانی 70 به‌ئاماده‌بوونى دیارعومەر فەرماندەی هێزەکانی کۆماندۆ و ئه‌فسه‌رانى باڵاى هێزه‌كانى 70 پێشوازىیان له‌  فه‌ریق روکن حامد محه‌مه‌د جێگرى سه‌رۆكى ئه‌ركان بۆ مه‌شق و فه‌ریق روکن ده‌ریایى د.ئه‌حمه‌د عمران سه‌رۆكى ئه‌كادیمیاى سه‌ربازى و و وەفدی یاوه‌رى باڵاى سه‌ربازى حكومه‌تى فیدراڵى عیراق كرد.

ئامانجی سەردانەکە بۆ لەنزیکەوە ئاگاداربوون بوو لە چۆنیه‌تى رووداوى ته‌قینه‌وه‌ى گولـلە ئاڕپیجییەک بەدەست ژمارەیەک خوێندکاری سەربە سوپای عیراقەوە له‌كاتى مه‌شقى سه‌ربازیدا، پاشان سه‌ردانى شوێنی رووداوەکەیان كرد و بە وردی چاودێری پاشماوە و شوێنەوارەکانی تەقینەوەکەیان کرد.

رووداوەكەی كۆلێژی سەربازی قەڵاچوالان لەکاتی مەشقى ته‌قه‌كردندا بوو كه‌ بەشێک بووە لە پڕۆگرامی خوێندنی خولی "89" لە کۆلێژی سەربازی لە قەڵاچوالان لە سلێمانی بەهۆی تەقینەوەی گوللـەیەكی ئاڕپیجی لەكاتی مەشق لە بنکەی هێزەکانی 70، خوێندكارێك گیانی لەدەستداوە و چه‌ند خوێندکارێکی دیکو برینداربوون کە سەرجەمیان سەر وەزارەتی بەرگری عیراق بوون.

PUKMEDIA