ئەنجومەنی وەزیران بۆ داهاتی نانەوتی و هەناردەکردنەوەی نەوت کۆدەبێتەوە

ئەرشیف

کۆبوونەوەی ئەنجومەنی وەزیرانی حکومەتی هەرێمی کوردستان

ئەمڕۆ چوارشەممە 3ی ئەیلوولی 2025، ئەنجومەنی وەزیرانی حکومەتی هەریمی کوردستان، بۆ تاوتوێکردنی دوو بڕگەی گرنگ كۆدەبێتەوە.

بەپێی زانیارییەکانی PUKMEDIA، بڕگەی یەكەمی کۆبوونەوەکە لەسەر ڕێڕەوی گفتوگۆكانی نێوان حكومەتی هەرێمی كوردستان و حكومەتی فیدراڵی لەبەر رۆشنایی كۆبوونەوەكانی ئەمدواییەی نێوان وەفدی دانوستانكار و لیژنە هاوبەشەكانی هەردوولا دەربارەی دۆسیەی داهاتە نانەوتییەكان و دۆسیەی هەناردەكردنەوەی نەوتی هەرێمی كوردستان دەبێت، لەبەر رۆشنایی بڕیارەكانی ئەنجومەنی وەزیران و لەیەكترگەیشتن و كۆبوونەوەی هاوبەشی لیژنەكان دەخرێتەڕوو.

بڕگەی دووەمی کۆبوونەوەکەش تایبەت دەبێت بەپێشنیاری وەزارەتی ناوخۆ سەبارەت بە پێداویستییەكانی جێبەجێكردنی سیستەمی نوێی دەرهێنانی مۆڵەتی شۆفێری لە بەڕێوەبەرایەتییەكانی هاتووچۆ لە هەرێمی كوردستان.

ئەمەش لەکاتێکدایە، نزیکەی مانگێکە ئەنجومەنی وەزیرانی حکومەتی هەریمی کوردستان کۆبوونەوەی ئاسایی خۆی ئەنجام نەداوە.

PUKMEDIA