مەكتەبی راگەیاندن و هۆشیاری: تەقەكردن لە هێمن مامەند پیلانێكی ترسنۆكانەی شكستخواردوە

PUKMEDIA

مەكتەبی راگەیاندن و هۆشیاری

مەكتەبی راگەیاندن و هۆشیاری یەكێتی وێڕای بە توندی ئیدانەكردنی تەقەكردن لە رۆژنامەنووس هێمن مامەند، رایگەیاندووە: هەر مەرامێك بۆ تیرۆكردنی ناوبراو پیلانێكی ترسنۆكانەی شكستخواردوەو داوا لە دەزگا ئەمنییەكان دەكەین  لێكۆڵینەوەی ورد لەسەر ئەم رووداوە بكەن و ئەنجامدەری ئاشكرابكەن و رووبەڕووی یاسای بكەنەوە.


مەكتەبی راگەیاندن و هۆشیاری یەكێتیی نیشتمانیی كوردستان، لەبارەی تەقەكردن لە رۆژنامەنووس هێمن مامەند، راگەیەندراوێكی بڵاوكردەوە و رایگەیاند: بە توندی ئیدانەی تەقەكردن لە رۆژنامەنووس هێمن مامەند دەكەین ،  هەر مەرامێكیش بۆ تیرۆكردنی ، پیلانێكی ترسنۆكانەی شكستخواردوەو بە هەمووشێوەیەك رەتیدەكەینەوە .

راشیگەیاندووە: وێڕای ئەوەی هیوای زووچاكبوونەوە بۆ هاوپیشەو رۆژنامەنووس هێمن مامەند دەخوازین ، داوا دەكەین لە دەزگا ئەمنییەكان  لێكۆڵینەوەی ورد لەسەر ئەم رووداوە بكەن و ئەنجامدەری ئاشكرابكەن و رووبەڕووی یاسای بكەنەوە .

ئاماژەی بەوەشكردووە: دڵنیاشین لە تواناو هەوڵی دەزگا ئەمنییە پەیوەندی دارەكان ، وەك هەمیشە چۆن لە دۆزینەوەی تاوانباران سەلماندویانە سلێمانی شارێكی ئارامە بۆ رۆژنامەنووسان و ئەهلی قەڵەم و خەڵكە خۆشەویستەكەمان ، لەم كەیسەشدا سەركەوتوودەبن لە دۆزینەوەی بكەرانی .

مەكتەبی راگەیاندن و هۆشیاری یەكێتی دووپاتیشی كردووەتەوە ، راگەیاندنی یەكێتی وەك هەمیشە پەرۆش و دەربەستی رەخساندنی زیاتری ئازادی رادەڕبڕین و ژینگەیەكی لەبارە بۆ كاری میدیایی لە وڵاتەكەماندا .

PUKMEDIA