دەزگای ئاسایشی هەرێم: لێكۆڵینەوەی لە رووداوی برینداركردنی هێمن مامەند دەستیپێكردووە

ئاسايش

دەزگای ئاسایشی هەرێم

وتەبێژی دەزگای ئاسایشی هەرێم رایدەگەیەنێت: لێكۆڵینەوە لەسەر رووداوی تەقەكردن لە چالاكوان هێمن مامەند دەستيپێكردووە.

عەقید سەلام عەبدولخالق، وتەبێژی دەزگای ئاسایشی هەرێم، راگەیەندراوێكی بڵاوكردەوە و ئاماژەی بەوەدا: سەعات 7:20 دەقیقەی ئەمشەو 2ی 9ی 2025،لە شاری سلێمانی، تەقە لە رۆژنامەنووس و چالاكوانی مەدەنی هێمن مامەند كرا و دەستبەجێ لەسەر ئەم رووداوە دەزگای ئاسایشی هەرێم، لێكۆڵینەوەی دەستپێكردەوە و گەڕان بەدوای بكەرانی ئەم تاوانە بەردەوامە.

ئەمەش لەكاتێكدایە، لە گەڕەكی عەقاری لە سلێمانی، ماتۆڕسوارێك تەقەی لە رۆژنامەنووس هێمن مامەند كرد و برینداری كرد.

PUKMEDIA