بومەلەرزەیەک لە ئەفغانستان سەدان کەسى کردە قوربانى

ئاژانسەکان

وێنەیەکى رووداوەکە

دوێنێ شەو بومەلەرزەیەکى بەهێز کە بە گوڕى 6 پلە بوو، ئەفغانستانی هەژاند و سەدان کەسی کردە قوربانی.

کەناڵى نیشتمانى ئەفغانستان بڵاویکردەوە کە، دوێنێ شەو بومەلەرزەیەکى بەهێز بە گوڕی 6 پلە لە رۆژهەڵاتی ئەفغانستان، لە ناوچەیەکی شاخاوی نزیک سنووری پاکستان لە پارێزگای نەنگەرهار روویدا و سەروى 600 کەس بونە قوربانى.

دەسەڵاتدارانی تەندروستی تاڵیبان لە کابوڵی پایتەخت رایانگەیاند: هێشتا کار لەسەر پشتڕاستکردنەوەی ژمارەی قوربانییان دەکەن و کاردەکەن بۆ گەیشتن بە ناوچە دوورەدەستەکان. 

دەستەى روپێوى جیۆلۆجى ئەمریکاش رایگەیاند: بوومەلەرزەکە لە قووڵایی 8 کیلۆمەتر روویداوە.

PUKMEDIA