قوباد تاڵەبانى بۆ سەرۆک بافڵ: هیچ ئاستەنگییەک و پیلانگێڕییەک نابێتە بەربەست لەبەردەم سەرکەوتنەکانت

میدیاکان

قوباد تاڵەبانى و سەرۆک بافڵ جەلال تاڵەبانى

قوباد تاڵەبانى ئەندامى مەکتەبى سیاسى یەکێتیى نیشتمانیى کوردستان و لێپرسراوى مەکتەبى سکرتارییەتى سەرۆک مام جەلال، بە بۆنەى هەڵبژاردنی سەرۆک بافڵ، وەک سەرۆکی هاوپەیمانیی حزبە سۆسیال دیموکراتەکانی وڵاتانی عەرەبی، لە پەیامێکى پیرۆزبایدا رایدەگەیەنێت: "بۆ من دووجار جێگەی دڵخۆشی و شانازییە، یەکەم وەک برایەکی گەورە و دووهەم وەک سەرۆکی حزبەکەم".

ئەمە دەقەکەیەتى:

پیرۆزە سەرۆکم؛
هەڵبژاردنی سەرۆک بافڵ، وەک سەرۆکی هاوپەیمانیی حزبە سۆسیال دیموکراتەکانی وڵاتانی عەرەبی، بۆ من دووجار جێگەی دڵخۆشی و شانازییە، یەکەم وەک برایەکی گەورە و دووهەم وەک سەرۆکی حزبەکەم.

گەیشتنی سەرۆک بافڵ بەم لوتکە بەرزە لەسەر ئاستی ناوخۆی هەرێم و عیراق و ناوچەکە، سەرەڕای ئاڵنگارییەکان، دەرخەری توانا و حەکیمییەتی لەئاست رووداوەکان و گرفت و کێشەکان.

سەرۆکم؛ هیچ ئاستەنگییەک و پیلانگێڕییەک نابێتە بەربەست لەبەردەم سەرکەوتنەکانت، بەردەوام بە.

دووبارە پیرۆزە و وەک هەمیشە لەپشتت دەبین تا دواهەناسە…

PUKMEDIA