30ى ئابى یەکێتى و 31ى ئابى پارتى

PUKMEDIA

لۆگۆى یەکێتیی نیشتمانیى کوردستان و پارتى دیموکراتى کوردستان

30ى ئابى یەکێتیى نیشتمانیى کوردستان و 31ى ئابى پارتى دوو مێژوون کە یەکەمیان لە پێناو پاراستنى مێژوو و شکۆى میلەتێکە و دووەمیشیان شکاندنى ئەو شکۆیە و خیانەتى نیشتمانییە.

د.بێستون سابوراوى ئەندامى پێشوى سەرکردایەتى یەکێتیى نیشتمانیى کوردستان بە PUKMEDIA  راگەیاند :"لە 30ى ئابى یەکێتیى نیشتمانیى کوردستان و 31ى ئابى پارتى دیموکراتى کوردستان جیاوازییەکى ئێجگار گەورە بەدیدەکرێت، کە لە 30ى ئابى 1990 یەکێتیى نیشتمانیى کوردستان بڕیاریدا شۆڕش بەردەوام بێت، لە کاتێکدا بەهۆى رێککەوتنى عیراق و ئێران بارودۆخى یەکێتیى نیشتمانیى کوردستان زۆر خراپ بوو، بەڵام ئەگەر بەراوردى بکەین بە 31ى ئابەکەى پارتى دەزانین کە چ کارەساتێکى گەورەى بەسەر میلەتى کوردا هێنا".

راشیگەیاند: "31ى ئابى پارتى ئەو گورزە کوشندەیە بوو، کە میلەتى کوردى جارێکى دیکە ژێر دەستە کردەوە، بۆیە ئەگەر ئەو خیانەتە لەهەر میلەتێکى دیکەدا روویبدایە، ئەنجامدەرانى لەسەر ئەو خیانەتە دادگایى دەکران، بۆیە بکەرانى ئەو خیانەتە بۆ هەتا هەتایە لە ناو تۆمارى رەشى مێژوودا دەمێننەوە".

ئەوەشیخستەڕوو: "31ى ئاب بەشێک بوو لەو جینۆسایدەى کە رژێمى سەدام بەرامبەر بە کورد کردى، بۆیە گرنگە ئەم مێژووە تاڵە بۆ هەمیشە وەبیر ئەنجامدەرانی بهێنرێتەوە و وەک رۆژێکى رەشى میلەتى کورد لێیبڕوانرێت".

29 ساڵ تێپه‌ڕ‌ده‌بێت به‌سه‌ر خیانه‌تی 31ی ئابدا كه‌ به‌رامبه‌ر خه‌ڵكی هه‌رێمی كوردستان به‌ گشتی و دانیشتوانی هه‌ولێر به‌تایبه‌ت كرا و پارتی ده‌بابه‌كانی رژێمی دیكتاتۆری به‌عسی هێنایه‌ ناو په‌رله‌مانی كوردستان، ئەو مێژووە بە خیانەتى نیشتمانیی بۆ پارتى لەقەڵەم دەدرێت.

PUKMEDIA