وتەبێژى گەشتوگوزارى سلێمانى: رۆژانە زیاتر لە 8 هەزار گەشتیار روو لە شارەکە دەکەن

میدیاکان

وێنەى یەکێک لە شوێنە گەشتیارییەکانى سلێمانى

وتەبێژى گەشتوگوزارى سلێمانى رایگەیاند: جوڵەى گەشتیاریى و هاتنى گەشتیاران بۆ سلێمانى ئاساییە و رۆژانە زیاتر لە هەشت هەزار گەشتیار روو لە شارەکە دەکەن.

گۆران قادر، وتەبێژى گەشتوگوزارى سلێمانى رایگەیاند: لە رۆژانى 27 و 28 واتە چوارشەممە و پێنجشەممەی رابردوو، 17 هەزار و 500 گەشتیار لە بازگەکانەوە بۆ شارى سلێمانى هاتوون.

ناوبراو، هاتنى ئەو ژمارە زۆرە گەشتیارەى وەک ئاماژەیەک بۆ ئارامیى و بەردەوامیى جوڵەى گەشتیارى لە سلێمانى خستەڕوو.

ئاماژەى بەوەشکرد، ئەگەر بژمێردرێت ئەوا دەردەکەوێت رۆژانە زیاتر لە هەشت هەزار گەشتیار لەناوچەکانى دیکەوە روویان لە پارێزگاى سلێمانى کردووە.

سلێمانى، خاوەنى دەیان ناوچەى گەشتیارییە و ساڵانەش لە بۆنە و کاتە ئاساییەکاندا، گەشتیارانى ناوخۆیى و بیانى رووى تێدەکەن.

PUKMEDIA