رفعەت عەبدوڵڵا: کوردانی تاراوگە پشتیوانێکی گەورەن لەدۆزی رەوای گەلەکەمان

نوسینگەی راگەیاندنی جێگری سەرۆکی (ی.ن.ک)

وێنەیەکى کۆبونەوەکە

جێگری سەرۆکی یەکێتیی نیشتیمانیی کوردستان، پێشوازی کرد لە رێکخراوی چەپک بۆ گەشەپێدانی مرۆیی (کە رێکخراوێکی کوردی - هۆڵەندی)ییە و چالاکیە مرۆیی و کلتورییەکانی لەتاراوگە و کوردستان بە گرنگ هەڵسەنگاند.

رفعەت عەبدوڵڵا، باسی لە پێویستی و کاریگەری رێکخراوە مەدەنیەکان کرد و قوڵترکردنەوەی خەباتی مەدەنی و کاری رێکخراوەیی بەخزمەتی گشتیەوە وەک پایەیەکی بەهێزی پێشکەوتنی هەر کۆمەڵگەیەک وەسفکرد.

جێگری سەرۆک، رایگەیاند کە رێکخراوەکەتان کاریگەری زیاتری هەبێت لەسەر کۆکردنەوە و ئاڕاستەکردنی رەوەندی کوردی لە تاراوگە، لەوبارەیەوە وتی: "کوردانی تاراوگە کاریگەری و قورساییان هەیە بۆ پشتیوانی و لۆبی لە دۆزی رەوای گەلەکەمان و سەروەتێکی نیشتمانی گەورەن".

رفعەت عەبدوڵڵا، پشتیوانی و پشتگیری یەکێتی لەسەربەخۆیی کارو بڕیاری رێکخراوە مەدەنیەکان دووپاتکردەوە و هەروەها باسی لەگرنگی کاری پێکەوەیی و هەماهەنگی کرد لەگەڵ رێخراوە مەدەنیە جیهانیەکان و وتی: "رۆڵێکی کاراترتان هەبێت لەپەرەپێدان بەئاڵوگۆڕی کلتوری و هاریکارییە مرۆییەکان و دۆستایەتی لەگەڵ دنیای دەرەوە".


PUKMEDIA