پرۆژەکانی یەک ساڵی پارێزگاری کەرکوک لە بواری پردو رێگاوبان

PUKMEDIA

رێبوار تەها پارێزگاری کەرکوک

کەرکوک لەسەردەستی رێبوار تەها پارێزگاری شارەکە گەشەسەندنی زۆری لە بواری ئاوەدانی و پێشکەشکردنی خزمەتگوزاری بەخۆیەوە بینیوە و لە ماوەی یەک ساڵی کارکردنیدا تەنها لە بواری  پرد و رێگاوباندا چەندین پرۆژەی گەورە و ستراتیژی لەناو سەنتەری کەرکوک و رێگاکانی دەرەوە ئەنجامداوە.

گرنگترین پرۆژەکانی رێگاوبان لە ماوەی یەکساڵدا خۆی لە پرۆژەی نۆژەنکردن و فراوانکردنی رێگەی کەرکوک – سلێمانی بە درێژایی 24 کیلۆمەتر و پرۆژەی ئەندەرپاسی فولکەی ئیخوان و گەراجی بەغدا دەبینێتەوە.
هاوکات، لە کەرکوک دەستکراوە بە نۆژەنکردنەوە و فراوانکردنی دەروازەی کەرکوک- هەولێر و پرۆژەی پردی سێکانیان- گورگەچاڵ.

رێبوار تەها پارێزگاری شارەکە لە دەرەوەی کەرکوک پرۆژەی پردی ناحیەی پردێ و ناحیەی تازەی ئەنجامداوە کە خزمەتێکی زۆر بە دانیشتوانی ئەو ناوچانە دەکات.

هاوکات پرۆژەی پردی قۆری چایی لە نێوان قەزای داقوق و خورماتوو تەواوکراوە و خراوەتە خزمەتی دانیشتوانی ناوچەکە.

PUKMEDIA