تاقیکردنەوەی خولی دووەمی پۆلی 12 دەستیپێکرد

ئەرشیف

تاقیکردنەوە

تاقیکردنەوەی خولی دووەمی پۆلی 12ی ئامادەیی دەستیپێکرد و هێڵەکانی ئێنتەرنێتیش راگیران.

سەعات 7:30 ی ئەمڕۆ 23ی8ی2025 تاقیکردنەوەی خولی دووەمی پۆلی 12ی ئامادەیی بەشێوەی رۆژ نا رۆژێک دەستیپێکرد و بڕیارە رۆژی 8ی9ی2025 تاقیکردنەوەکان کۆتایی بێت.

هێڵەکانی ئینتەرنێت رادەگیرێن

وەزارەتی گواستنەوە و گەیاندنی حکومەتی هەرێم رایگەیاند: لەسەر داوای وەزارەتی پەروەردە کە بەنوسراوی رەسمیی ئاراستەی وەزارەتمان کراوە، داواکراوە لە رۆژانی تاقیکردنەوەکان ئینتەرنێت رابگرین لەبەر بەرژەوەندی گشتی و رێگری کردن لە دیاردەی گزی کردن(غش). لە تاقیکردنەوەکانی خولی دووەم کە بەیانی رۆژی شەممە ٢٣-٨-٢٠٢٥ دەستپێدەکات بە شێوەی رۆژەک نا رۆژەک تا بەرواری ٨-٩-٢٠٢٥ بەردەوام دەبێت.
شیگەیاند: تەنها لەڕۆژی تاقیکردنەوەکان هێڵەکانی ئینتەرنێت و هەموو جۆرە نامەیەکی (MMS) رادەگیرێن، لە سەعات 6:30ی بەیانی تا سەعات 7:45 دەقیقەی بەیانی.

PUKMEDIA