مەكتەبی سیاسی سەرەخۆشی لە خانەوادەی شەهیدانی هێزەكانی ئاسایشی ناوخۆ دەكات

PUKMEDIA

شەهیدانی هێزەكانی ئاسایشی ناوخۆ

مەكتەبی سیاسی یەكێتیی نیشتمانیی كوردستان، پرسەنامەیەك ئاڕاستەی خانەوادەی  سەربەرزی شەهید ئاری شێخ سوعاد تاڵەبانی، شەهید دیار سەردار و شەهید سەرمەند عەلی و هێزەكانی پارێزگاری لە ئارامی و سەروەریی یاسا دەكات و رایدەگەیەنێت: ئەم  پۆلە جوامێرە لە ئەركی جێبەجێكردنی  یاسا و چەسپاندنی  هێمنی  و ئاسایشی سلێمانی گیانیان بەخشی، هاوكات هیوای چاك بوونەوە و شیفاش بۆ بریندارەكان دەخوازێت. 

دەقی پرسەنامەكە:

پەیامی سەرەخۆشی 

بەڕێزان  كەسوكار و خانەوادەی  سەربەرزی شەهیدان (شەهید ئاری شێخ سوعاد تاڵەبانی لە هێزەكانی دژە تیرۆر، شەهید دیار سەردار لە هێزەكانی كۆماندۆی كوردستان و شەهید سەرمەند عەلی لە هێزەكانی بەڕێوەبەرایەتی ئۆپراسیۆنی ئاسایش).

لەناخی دڵەوە خەمبار بووین  بە شەهیدبوونی  ئەم  پۆلە جوامێرەی هێزەكانی ئاسایشی ناوخۆ  كە  لە ئەركی جێبەجێكردنی  یاسا و چەسپاندنی  هێمنی  و ئاسایشی سلێمانی و روبەڕوبوونەوەی لاساراندا  گیانی خۆیان  بەخشی.

بۆ  ئەم خەمە قووڵە پرسە و ماتەمی خۆمان  ئاڕاستەی خانەوادە تێكۆشەرەكەتان  و گشت هاوڕێیانی لە هێزەكانی پارێزگاری لە ئارامی و سەروەریی یاسا دەكەین. 

لە یەزدانی مەزن داواكارین شەهیدەكان بە بەهەشتی بەرین شاد بكات و ئارامی بە گشت لایەك ببەخشێت.

هیوای  چاك بوونەوە و شیفاش بۆ بریندارەكان دەخوازین. 

مەكتەبی سیاسی 
یەكێتیی نیشتمانیی كوردستان

PUKMEDIA