هەمواركردنەوەی یاسای زیندانیانی سیاسی لە كارنامەی ئەنجومەنی نوێنەراندایە
عیراق 04:11 PM - 2025-08-21
راگەیاندنی ئەنجوومەنی نوێنەرانی عیراق
یەكێك لە دانیشتنەكانی ئەنجوومەنی نوێنەرانی عیراق
ئەنجوومەنی نوێنەرانی عیراق كارنامەی سێ دانیشتنی داهاتووی ئەنجوومەنەكەی بڵاوكردەوە، كە بریتین لە دەنگدان و خوێندنەوەی یەكەم و دووەم بۆ چەند پڕۆژە و پێشنیازە یاسایەك.
بەگوێرەی كارنامەی دانیشتنەكانی ئەنجومەنی نوێنەرانی عیراق، كە كۆپییەكی دەست PUKMEDIA كەوتووە، دانیشتنی رۆژی دووشەممە 25ی ئابی 2025، شەش بڕگە لەخۆدەگرێت، كە گرنگترینیان دەنگدانە لەسەر هەمواركردنەوەی یاسای وەزارەتی پەروەردە و یاسای بنەماكانی هاوتاكردنی بڕوانامە و پلەی زانستی.
هەر بەگوێرەی كارنامەكە، دانیشتنی رۆژی سێشەممە 26ی ئاب، شەش بڕگە لەخۆدەگرێت، كە گرنگترینیان دەنگدانە لەسەر هەمواری دووەمی یاسای دامەزراوەی زیندانییە سیاسییەكان ژمارە 4ی ساڵی 2006.
بەپێی ماددەی 1 بڕگەی (ز) لە رەشنووسی هەمواری دووەمی یاسای زیندانیانی سیاسی عیراق، كە بڕیارە دەنگی لەسەر بدرێت، سەرجەم رزگاربووانی كیمیابارانی هەڵەبجە و شاڵاوەكانی ئەنفال، كە لە ئەنجامی هەڕەشەكانی رژێمی عیراق ناچاربوون پەنا بۆ كۆماری ئیسلامی ئێران ببەن، هەموو ئەو ماف و ئیمتیازاتانەیان پێدەدرێت كە بە زیندانیانی سیاسی عیراق دراوە.
دانیشتنی رۆژی چوارشەممە 27ی 8ی 2025 ی ئەنجومەنی نوێنەرانی عیراق، حەوت بڕگە لەخۆدەگرێت، لەوانە دەنگدان لەسەر هەمواری سێیەمی یاسای قەرەبووكردنەوەی ئەو كەسانەی كە بەهۆی رژێمی پێشووەوە زیانیان بەركەوتووە.
هاوكات ئەمڕۆ پێنجشەممە، بە سەرۆكایەتی مەحمود مەشهەدانی، ئەنجومەنی نوێنەرانی عیراق كۆبووەوە و لە كۆبوونەوەكەدا باس لە میكانیزمەكانی پەسندكردنی كارنامەی دانیشتنەكانی داهاتوو كرا، كە گرنگترین دەنگدان و پەسندكردنی ئەو پڕۆژەیاسایانەن كە كاریگەرییان لەسەر ژیانی هاووڵاتیان و سەقامگیری سیاسی و ئابووری وڵات هەیە.
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

