پارێزگاری کەرکوک رەزامەندی دەربڕی بەپێدانی زەوی بە ژمارەیەک فەرمانبەر

PUKMEDIA

رێبوار تەها پارێزگاری کەرکوک

پارێزگاری کەرکوک رایدەگەیەنێت: لەچوارچێوەی خزمەتکردن بە چین و توێژەکان زەوی دەبەخشرێتە بەشێک لە فەرمانبەرانی دەستەی داواکاری موڵکدارێتی کەرکوک.

رێبوار تەها پارێزگاری کەرکوک چاویکەوت بە ژمارەیەک فەرمانبەری دەستەی داواکاری گشتی موڵکداری لە کەرکوک و لە دیدارێکیشدا وێڕای بەرزنرخاندنی کارەکانیان، پارێزگاری کەرکوک بە فەرمانبەرانی راگەیاند کە ئیمزای لەسەر وەرگرتنی پارچە زەوی بۆ فەرمانبەرانی دەستەکە کردووە.

 راشیگەیاند: وەرگرتنی ئەو پارچە زەوییە لە چوارچێوەی خزمەتکردنە بە چین و توێژەکان و بەپێی بڕیاری 419 وەک مافێکی یاسایی و ڕەوای خۆیان پێیان دەدرێت.

PUKMEDIA