پەرلەمانتارێکی یەکێتی سکاڵا لەسەر شۆڤێنییەک تۆمار دەکات

PUKMEDIA

کاروان یاروەیس ئەندامی ئەنجومەنی نوێنەرانی عیراق لە فراکسیۆنی یەکێتی

کەسێکی شۆڤێنی ماوەیەکە لەژێر ناوی لێکۆڵەری سیاسی لە میدیا عیراقییەکانەوە سوکایەتی بەگەلی کورد دەکات و پەرلەمانتارێکی یەکێتیش سکاڵای لەسەر تۆمار دەکات و رایدەگەیەنێت:" قسەکانی دژی پێکەوە ژیانە".

کاروان یاروەیس ئەندامی ئەنجومەنی نوێنەرانی عیراق لە فراکسیۆنی یەکێتی بە نوسراوێکی رەسمی کە ئاڕاستەی سەرۆکی دەستەی راگەیاندن و پەیوەندییەکانی عیراقی کردووە، سکاڵای لەسەر کەسێکی شۆڤێنی بەناوی عیماد مسافر تۆمار کرد، کە لەژێر ناوی لێکۆڵەری سیاسی لە میدیای عیراقی دەردەکەوێت.

کاروان یاروەیس  لەبارەی سکاڵاکەی بە PUKMEDIA ی راگەیاند: ئەو شۆڤێنیە لەبەرنامەیەکدا لە کەناڵی عەهد سووکایەتی بە کورد کرد، لە دەستەی راگەیاندن و پەیوەندییەکانی عیراق سکاڵامان لێکردو داوامان کردووە  لێپرسینەوەی لەگەڵدا بکرێت، چونکە قسەکانی دژی پێکەوەژیانە و دژی گەلی کوردە وەک پێکهاتەیەکی سەرەکی عیراق.

PUKMEDIA