ئه‌ندامێكی فراكسیۆنی یه‌كێتی: به‌منـزیكانه‌ پاره‌ی گه‌نمی جوتیاران خه‌رجده‌كرێت

PUKMEDIA

گوڵەگەنم

چاوه‌ڕوانده‌كرێت به‌م نزیكانه‌ وه‌زاره‌تی دارایی عیراق پاره‌ی شایسته‌ داراییه‌كانی جوتیاران خه‌رج بكات و ئه‌ندامێكی فراكسیۆنی یه‌كێتیش له‌ ئه‌نجومه‌نی نوێنه‌رانی عیراق ده‌ڵێت:"خه‌رج كردنی پاره‌ی گه‌نمی جوتیاران، هه‌رێمی كوردستانیش ده‌گرێته‌وه‌".

د.بڕ‌یار ره‌شید ئه‌ندامی ئه‌نجومه‌نی نوێنه‌رانی عیراق به‌ وێبسایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: به‌دواداچوونمان بۆ خه‌رجكردنی پاره‌ی گه‌نمی جوتیاران كردو به‌م نزیكانه‌ وه‌زاره‌تی دارایی بڕ‌ی پاره‌ی پێویست بۆ شایسته‌ی جوتیاران ته‌رخان ده‌كات.

راشیگه‌یاند: له‌به‌دواداچوون و په‌یوه‌ندی به‌رده‌وامداین له‌گه‌ڵ به‌ڕ‌ێوه‌به‌ری گشتی به‌ بازاڕ‌ كردنی دانه‌وێڵه‌ی سه‌ر به‌ وه‌زارەتی بازرگانی و وه‌زاره‌تی دارایی فیدراڵ بۆ پێدانی شایسته‌ داراییه‌كانی جوتیارانی هه‌رێمی كوردستان.

ئه‌وه‌شی خسته‌ڕوو: ئه‌مڕ‌ۆ 19ی8ی2025 له‌گه‌ڵ حه‌یده‌ر نوری به‌ڕ‌ێوه‌به‌ری گشتی به‌ڕ‌ێوبه‌رایه‌تی به‌بازاڕ‌كردنی دانه‌وێڵه‌ كۆبووینه‌وه‌و پێی ڕ‌اگه‌یاندین كه‌ بڕ‌یاره‌ له‌م نزیكانه‌دا وه‌زاره‌تی دارایی پاره‌ بۆ جوتیاران خه‌رج بكات به‌جوتیارانی هه‌رێمی كوردستانیشه‌وه‌.

ئەمەش لەکاتێکدایە، له‌سه‌ره‌تای وه‌رزی به‌بازاڕ‌كردنی گه‌نمه‌وه‌  زیاتر لە 500 هه‌زار تۆن گه‌نم له‌جوتیارانی هه‌رێمی كوردستان وه‌رگیراوه‌ و سایلۆكانیش به‌ بڕ‌ی 850 هه‌زار دینار بۆ هه‌ر تۆنێك گه‌نم، گه‌نمیان له‌ جووتیاران وه‌رگرتووه‌.

PUKMEDIA