دوو بازرگانی ماددەی هۆشبەر دەستگیر دەكرێن

راگەیاندنی بەڕێوەبەرایەتی گشتی نەهێشتنی ماددە هۆشبەرەكانی دەزگای ئاسایشی هەرێم

ماددەی هۆشبەر

بەڕێوەبەرایەتی گشتی نەهێشتنی ماددە هۆشبەرەكانی دەزگای ئاسایشی هەرێم، لە چالاكییەكدا لەناو شاری سلێمانی دوو بازرگانی ماددەی هۆشبەریان دەستگیركرد و دەستیشیان بەسەر 19 كیلۆگرام ماددەی هۆشبەر لەجۆری تلیاكدا گرت.

لە راگەیەندراوێكی بەڕێوەبەرایەتی گشتی نەهێشتنی ماددە هۆشبەرەكانی دەزگای ئاسایشی هەرێم، كە كۆپییەكی دەست  PUKMEDIA كەوتووە راگەیەندراوە: رۆژی 5ی 8ی 2025، لەئەنجامی كۆكردنەوەی زانیاری پێشوەختە و چاودێری ورد و بەدواداچوونی بەڕێوەبەرایەتی گشتی نەهێشتنی ماددە هۆشبەرەكان، بەفەرمانی دادوەری لێكۆڵینەوەی ئاسایش لەشاری سلێمانی، لە بۆسەیەكدا دوو تۆمەتباری بازرگانی  ماددەی هۆشبەر دەستگیركران و دەستیش بەسەر بڕی 19 كیلۆگرام ماددەی هۆشبەر لەجۆری تلیاكدا گیرا، كە ئامانجیان شاردنەوە و بردنەدەرەوەی ماددەكە بوو لەڕێگەی بارهەڵگرێكەوە بۆ دەرەوەی هەرێمی كوردستان.

ئاماژە بەوەشكراوە: لەئێستادا تۆمەتباران بەبڕیاری دادوەر بەماددەی 25 لەیاسای بەرەنگاربوونەوەی ماددە هۆشبەرەكان و كارتێكارە ئەقڵییەكان راگیراون و لێكۆڵینەوە لەدۆسیەكانیان بەردەوامە.

PUKMEDIA