مامۆستا مەزهەر خورسانی ستایشی رۆڵی پارێزگاری کەرکوک دەکات

راگەیاندنی پارێزگاری کەرکوک

پێشوازی پارێزگای كەركوك لە ژمارەیەك لە مامۆستایانی ئاینی

پارێزگاری كەركوك، پێشوازی لە ژمارەیەك لە مامۆستایانی ئاینی كرد و رۆڵی ئەوانی لە پتەوتركردنی گیانی برایەتی و پێكەوە ژیانی ئاشتیانەو هۆشیاركردنەوەی كۆمەڵگە بەرزنرخاند، هاوكات مامۆستا مەزهەر خوراسانی ستایشی رۆڵی پارێزگاری كەركوكی كرد لەپای پێشكەشكردنی خزمەتگوزاری لە كەركوك .

ئەمڕۆ 17ی 8ی 2025، رێبوار تەها پارێزگاری كەركوك، پێشوازی لە مامۆستا مەزهەر خوراسانی و مامۆستا فریاد سورچی و مامۆستا ئەردەڵان كرد و لە دیدارێكدا پارێزگاری كەركوك رۆڵی مامۆستایانی ئاینی لە پتەوتركردنی گیانی برایەتی و پێكەوەژیانی ئاشتیانەی نێوان پێكهاتەكان و هۆشیاركردنەوەی كۆمەڵگە بەرزنرخاند.

لە بەرامبەردا مامۆستا مەزهەر خوراسانی ستایشی رۆڵی پارێزگاری كەركوكی كرد لەپای پێشكەشكردنی خزمەتگوزاری لە پارێزگاكە و جەختی كردەوە بەراورد بە ساڵانی رابردوو كەركوك بەشێوەیەكی بەرچاو پاككراوەتەوە وئەوەش بەدڵنیاییەوە بە هەوڵی پارێزگار هاتوەتەئاراوە.

PUKMEDIA