رفعه‌ت عه‌بدوڵڵا: پشتیوانی له‌سه‌ربه‌خۆیی كار و بڕ‌یاری رێكخراوه‌ مه‌ده‌نییه‌كان ده‌كه‌ین

نوسینگه‌ی راگه‌یاندنی جێگری سه‌رۆكی (ی.ن.ك)

وێنەیەکى کۆبوونەوەکە

رفعه‌ت عه‌بدوڵڵا جێگری سه‌رۆكی یه‌كێتیی نیشتمانیی كوردستان، به‌ئاماده‌بونی زیاد جه‌بار ئه‌ندامی سه‌ركردایه‌تی، پێشوازی كرد له‌(ناوه‌ندی كۆمه‌ڵایه‌تی و رۆشنبیری ئازادی) و چالاكییه‌ مه‌ده‌نیه‌كانیانی به‌گرنگ و سه‌رده‌میانه‌ هه‌ڵسه‌نگاند.

جێگری سه‌رۆكی یه‌كێتی رایگه‌یاند: "رێكخراوه‌ مه‌ده‌نییه‌كان و چالاكیه‌كانیان ئه‌همیه‌تێكی گرنگیان هه‌یه‌ لای یه‌كێتی له‌به‌ره‌وپێشبردن و به‌هێزكردنی پایه‌كانی كۆمه‌ڵگه‌ی مه‌ده‌نی"، هاوکات له‌وباره‌یه‌وه‌ وتی: "پشتیوانی له‌سه‌ربه‌خۆیی كار و بڕ‌یاری رێكخراوه‌ مه‌ده‌نییه‌كان ده‌كه‌ین".

رفعه‌ت عه‌بدوڵڵا ئاماژه‌ی بۆ ئه‌وه‌كرد: " كاری پێكه‌وه‌یی و هه‌ماهه‌نگی زیاتر بكه‌ن له‌گه‌ڵ رێكخراوه‌كانی كۆمه‌ڵگه‌ی مه‌ده‌نی هه‌تا كاریگه‌رتر و باشتر ئامانجه‌ مه‌ده‌نی و ئێستایه‌كانتان به‌دیبێنن و به‌شدارییه‌كی كاراترتان هه‌بێت له‌فراوانكردنی پانتایی دیموكراسی و هێنانه‌كایه‌ی كۆمه‌ڵگه‌یه‌كی شارستانیتر".

PUKMEDIA  / نوسینگه‌ی راگه‌یاندنی جێگری سه‌رۆكی (ی.ن.ك)