پيرۆزبایی سەرۆك بافڵ بۆ یادی دامەزراندنی پارتی

نوسینگەی رۆژنامەوانی سەرۆک بافڵ

سەرۆكی یەكێتی و سەرۆكی پارتی

بافڵ جەلال تاڵەبانی، سەرۆكی یەكێتیی نیشتمانیی كوردستان، بەبۆنەی 79ـەمین ساڵیادی دامەزراندنی پارتی دیموكراتی كوردستانەوە، پەیامێكی پیرۆزبایی ئاڕاستەی كاك مەسعود بارزانی و جێگرەكانی و سەركردایەتی و ئەندامان و جەماوەری پارتی دەكات كە ئەمە دەقەكەیەتی:

بەڕێز كاك مەسعود بارزانی، سەرۆكی پارتی دیموكراتی كوردستان

بەبۆنەی 79ـەمین ساڵیادی دامەزراندنی پارتی دیموكراتی كوردستان، پیرۆزبایی گەرم لە بەڕێزتان، جێگرانی سەرۆكی پارتی، سەركردایەتی، ئەندامان و جەماوەری پارتی دیموكراتی كوردستان دەكەم و هیوای سەركەوتنتان بۆ دەخوازم. 

جەخت لە هەماهەنگی و تەبایی نێوان یەكێتیی نیشتمانیی كوردستان و پارتی دیموكراتی كوردستان و سەرجەم هێز و لایەنە سیاسییە كوردستانییەكان دەكەینەوە، لەپێناو كاركردنی پێكەوەیی و راپەڕاندنی ئەركە نیشتمانی و چارەنووسسازەكان و بەهێزتركردنی قەوارەكەمان و باشتركردنی ژیانی خەڵكە خۆشەویستەكەمان. 

بافڵ جەلال تاڵەبانی 
سەرۆكی یەكێتیی نیشتمانیی كوردستان

PUKMEDIA