جێگری سەرۆکی هەرێم جەخت لەگرنگی پەیوەندییەکانی هەرێم و ئەمریکا دەکاتەوە

نوسینگەی رۆژنامەوانی جێگری سەرۆکی هەرێم

جێگری سەرۆکی هەرێم و كونسوڵى گشتيی نوێ و پێشووی ئەمریکا

جێگری سەرۆکی هەرێم پێشوازیی لە كونسوڵى گشتيی نوێ و كونسوڵى گشتيی پێشووى ئه‌مریکا له‌ هه‌رێمى كوردستان كرد.

ئەمڕۆ چوارشەممە 13ی8ی2025شێخ جەعفەر شێخ مستەفا، جێگری سەرۆکی هەرێمی کوردستان پێشوازیی له‌ خاتوو گوينده‌لن گرين كونسوڵی گشتيی نوێ و ستيڤن بيتنه‌ر كونسوڵی گشتيی پێشووى ئه‌مه‌ريكا له‌ هه‌رێمی كوردستان كرد.

لە دیدارەکەدا جێگری سەرۆکی هەرێم وێرای بەخێرهاتنیان، پیرۆزبایی دەستبەکاربوونی وەک كونسوڵی گشتيی نوێی ئەمریکا لە هەرێمی کوردستان، لە خاتوو گوينده‌لن گرين کرد و هیوای سەرکەوتنی لە کاروبارەکانیدا بۆ خواست. 

دواتر جێگری سەرۆکی هەرێم، سوپاس و ستایشی کارەکانی ستيڤن بيتنه‌ری کرد، کە لە ماوەی ڕابردوودا وەک کونسوڵی گشتیی ئەمریکا رۆڵی گرنگی لە رێکخستن و پەرەپێدانی پەیوەندییەکانی وڵاتەکەی لەگەڵ هەرێمی کوردستاندا، گێڕاوە.

لای خۆیەوە ستیڤن بيتنه‌ر، سوپاسی پاڵپشتی و هاریكاریی لایه‌نه‌ پەیوەندیدارەكانی هەرێمی كوردستانی له‌ سەرخستنی كار و ئەرکەکانی لە ماوەی رابردوودا كرد و جەختی لە گرنگیی بەردەوامیی پەیوەندی و دۆستایەتیی نێوان وڵاتەکەی لەگەڵ هەرێمی کوردستاندا، کردەوە.


PUKMEDIA