د. بڕیار رەشید: پابەندییەكانی هەرێم بەراورد بە یاسای بودجە كەمترە

PUKMEDIA

دكتۆر بڕیار ڕەشید ئەندامی ئەنجومەنی نوێنەرانی عیراق

لێکتێگەیشتنی نێوان هەرێمی کوردستان و ناوەند پێویستی بە هەنگاوی کرداریی هەیە و ئەندامێکی ئەنجومەنی نوێنەرانی عیراق لە فراکسیۆنی یەکێتی رایدەگەیەنێت:" پێویستە هەردوو لایەن پابەندییەکانیان جێبەجێ بکەن، بەتایبەت هەرێم کە پابەندییەکانی کەمە".

دكتۆر بڕیار ڕەشید ئەندامی ئەنجومەنی نوێنەرانی عیراق لە فراکسیۆنی یەکێتی بە وێبسایتی رەسمی یەکێتیی نیشتمانیی کوردستان  PUKMEDIA ی راگەیاند: لە یاسای بوودجەدا هاتووە، کە پێویستە هەرێمی کوردستان 400 هەزار بەرمیلی رۆژانە هەناردە بکات، بەڵام لە هەنگاوەکانی دواتر و سەردانەکانی سەرۆک بافڵ، سەرۆکی یەکێتیی نیشتمانیی کوردستان بۆ بەغدا، بڕەکەی بۆ 230 هەزار بەرمیل کەمکرایەوە، ئێستاش باس لەوە دەکرێت توانای بەرهەمهێنان نزیکەی 130 هەزار بەرمیلە، کە 50 هەزار بەرمیلی بۆ هەرێم و 80 هەزار بەرمیلی رۆژانەشی بۆ عیراق دەبێت.

روونیشی کردەوە؛ پابەندییەكانی ئێستای حكومەتی هەرێم بە بەراورد بە یاسای بودجەی عیراق كەمە.

ئاماژەی بەوەشکرد: پێویستە لەسەر هەرێم و بەغدا ئەم كێشەیە لەچوارچێوەی ژمارەكاندا نەهێڵنەوە و هەنگاوی کرداری بنێن و هەردوولا پابەندبن بەتایبەت هەرێمی كوردستان داهاتی نانەوتی رەوانە بکات و دەست بەهەناردەكردنی نەوتەكەی بكاتەوە، بۆ ئەوەی  مووچەخۆران و هاووڵاتیانیش دووچاری ئەم گرفتانە نەبنەوە.

PUKMEDIA