کاندیدانی یەکێتی تێدا نیە... کۆمسیۆن 65 کاندیدی دیکە دووردەخاتەوە

ئەرشیف

لۆگۆی كۆمسیۆن و یەكێتیی نیشتمانیی كوردستان

کۆمسیۆنی باڵای سەربەخۆی هەڵبژاردنەکانی عیراق بەردەوامە لە پێداچوونەوە بە لیستی کاندیدەکانی هەڵبژاردنی ئەنجومەنی نوێنەران و لە دواین رێکاریدا 65 کاندیدی دوورخستنەوە، کە هیچ کاندیدێکی یەکێتیی نیشتمانیی کوردستان لە ناو لیستی دوورخراوەکاندا نین

بەپێی نوسراوێکی کۆمسیۆن کە لە 10ی8ی2025 دەرچووە، ئەنجومەنی کۆمسیاران  بڕیاریدا 65 کاندید بۆ کێبڕکێ لە هەڵبژاردنی ئەنجومەنی نوێنەرانی عیراق دووربخاتەوە.

كۆمسیۆن ئاماژەی بەوەكردووە، ئەم كاندیدانە بەهۆی سەرپێچیكردنی دەقی ماددەی (7/ سێیەم) لە یاسای هەڵبژاردنی ئەنجومەنی نوێنەران و ئەنجومەنی پارێزگاو قەزاكان ژمارە (12) ساڵی 2018 دورخراونەتەوە.

هەرچەندە لە لیستەکەی کۆمسیۆندا کاندیدی لیستە کوردییەکان بوونی هەیە، بەڵام تاوەکو ئێستا هیچ کاندیدێکی یەکێتیی نیشتمانیی کوردستان لە ناو لیستی دوورخراوەکاندا نین، ئەمەش ئاماژەیە بۆ ئەوەی کاندیدەکانی یەکێتی کەسانی بەتوانا و خاوەن رابردووی پاکن.

PUKMEDIA