ترەمپ لەگەڵ پوتین کۆدەبێتەوە

Reuters

ترەمپ و پوتین

ترەمپ رایدەگەیەنێت:"هەینی داهاتوو لەگەڵ ڤلادیمێر پوتین سەرۆكی روسیا لە ئالاسكا كۆدەبمەوە".

دۆناڵد ترەمپ سەرۆکی ئەمریکا لە پۆستێكدا لە تۆڕی کۆمەڵایەتی ترووس سۆشیاڵ نووسیویەتی:" كۆبوونەوە چاوەڕوانكراوەكەی لەگەڵ ڤلادیمێر پوتین رۆژی هەینی 15 ئابی 2025، لە ویلایەتی ئالاسكا بەڕێوەدەچێت، بۆ گفتوگۆكردن سەبارەت بەكۆتایهێنان بەو ململانێیانەی ساڵانێكە لە نێوان رووسیا و ئۆكرانیا سەریهەڵداوە".

ئەمەش لەکاتێکدایە، پێشتریش ترەمپ رایگەیاندبوو، بە زوویی لەگەڵ ڤلادیمێر پوتین كۆدەبێتەوە بۆ ئەنجامدانی رێككەوتنێك بۆ كۆتاییهێنان بە جەنگی نێوان رووسیا و ئۆكرانیا، هەرچەندە تائێستا رووسیا و ئۆکرانیا سێ جار دانوستانی راستەوخۆیان لە ئیستەنبووڵ ئەنجام داوە، بەڵام هیچ رێککەوتنێک لەسەر ئاگربەست نەکراوە.

PUKMEDIA