وتەبێژی پۆلیس: دوو تۆمەتبار لەسەر رووداوەکەی هەڵەبجە دەستگیرکراون

PUKMEDIA

بەڕێوەبەرایەتی پۆلیسی پارێزگای هەڵەبجە

شەوی رابردوو لە رووداوێکی تەقەکردندالە پارێزگای هەڵەبجە، دوو کەس کوژران کە تەمەنیان لەنێوان 20 بۆ 22 ساڵاندایە و کەسێکیش بریندار بوو.

ئاکام قوتبەدین وتەبێژی پۆلیسی هەڵەبجە لەلێدوانێکدا بۆ کەناڵەکانی راگەیاندن، ئاماژەی بەوەکرد: "دوو گومانلێکراو لەسەر رووداوەکە بەپێی ماددەی 406ی سزادانی عیراقی دەستگیرکراون، کە تەنها گومانلێکراون و لەبەڕێوبەرایەتی پۆلیسی هەڵەبجە پەڕاوی لێکۆڵینەوەیان بۆ کراوەتەوە"

وتیشی:" چەند مانگێک لەمەوبەر دەمەقاڵێ لە نێوان کوژراوەکان و تۆمەتباراندا هەبووە و چارەسەرکراوە، بەڵام دووبارە کێشەکانیان سەریهەڵداوەتەوە".

راشیگەیاند:"تۆمەتبارەکە بە ماتۆڕسکیل هاتووە و کڵاوی لەسەردا بووە، بەچەکی جۆری دەمانچە تەقەیلێکردوون".

PUKMEDIA