پلەی زیاتر لە 12 هەزار پلەدار و پێشمەرگە بەرزدەکرێتەوە

PUKMEDIA

لۆگۆی وەزارەتی پێشمەرگە

وەزارەتی پێشمەرگە پلەی زیاتر لە 12 هەزار پلەدار و پێشمەرگەی سەر بەدیوان و لیواکانی پیادەی سەر بەوەزارەتی پێشمەرگە بەرزدەکاتەوە.

لەڕاگەیەندراوێکدا وەزارەتی پێشمەرگە رایگەیاندووە:" بەپێی فەرمانی وەزاری وەزارەتی پێشمەرگەی حکومەتی هەرێمی کوردستان و پاڵپشت بەماددەی چواردە لەسیستەمی ژمارە (6)ی ساڵی 2011ی پەیڕەوی نیزامی ڕاژە و خانەنشینی پێشمەرگە تایبەت بەیاسای ژمارە (38)ی ساڵی 2007، ئاماژە بە فەرمانی وەزاری وەزارەتی پێشمەرگە، بەڕێوەبەرایەتی ئیدارەی گشتی ژمارە(6033) له 2011/12/4 تایبەت بەڕێنمایی پلە بەرزکردنەوەی کارمەندان بریاردرا بە بەرزکردنەوەی پلەی (12010) پێشمەرگەی سەر بەدیوان و لیواکانی پیادەی سەر بەوەزارەتی پێشمەرگە، ئەم پلەبەرزکردنەوەیە گوزارشتە لە خشتەی نەورۆزی 2025ی کارمەندان".

PUKMEDIA