كۆمسیۆن سیستمی سکاڵاو تانەکانی هەڵبژاردن پەسەند دەکات

PUKMEDIA

لۆگۆی کۆمسیۆن

کۆمسیۆنی باڵای سەربەخۆی هەڵبژاردنەکانی عیراق بەردەوامە لە ئامادەکارییەکانی بۆ هەڵبژاردنی ئەنجومەنی نوێنەران و ئەمڕۆش سیستمی سكاڵاو تانەكانی پەسەند کرد.

کۆمسیۆنی هەڵبژاردنەکان لە راگەیەندراوێکیدا کە کۆپییەکی بۆ PUKMEDIA نێردراوە، ئاماژەی بەوەکردووە:" ئەمڕۆ ئەنجومەنی کۆمسیاران تاوتوێی یاداشتێکی لیژنەی یاسایی تایبەت بە سیستمی سكاڵاو تانەكانی هەڵبژاردنی داهاتووی ئەنجومەنی نوێنەرانی عیراقی کردووە".

 راشیگەیاندووە:" ئەنجومەنی کۆمسیاران سیستمەکەیان پەسەند کردووە و لایەنی پەیوەندیدار بۆ جێبەجێکردنی رادەسپێردرێت".

ئەمەش لە کاتێکدایە، رۆژی 9ی4ی2025 ئەنجومەنی وەزیرانی عیراق بە زۆرینەی دەنگ، 11ـی 11ـی 2025ـی وەك ڕۆژی هەڵبژاردنی داهاتووی ئەنجومەنی نوێنەرانی عیراق دیاریكرد.

PUKMEDIA