بڕیاردەری فراكسیۆنی یەكێتی داوای هەڵوەشاندنەوەی بەقەزاكردنی قەرەتەپە لە سەرۆككۆمار دەكات

PUKMEDIA

كاروان یاروەیس، بڕیاردەری فراكسیۆنی یەكێتی لە ئەنجومەنی نوێنەرانی عیراق

بڕیاردەری فراكسیۆنی یەكێتی لە ئەنجومەنی نوێنەران، یاداشتێك ئاڕاستەی سەرۆككۆماری عیراق دەكات و داوادەكات پیلانی بەقەزاكردنی ناحیەی قەرەتەپە و دەستكاریكردنی باری دیمۆگرافی و سنووری كارگێڕی و جوگرافی ئەو ناوچە كوردستانییە هەڵبوەشێندرێتەوە.

كاروان یاروەیس، بڕیاردەری فراكسیۆنی یەكێتی لە ئەنجومەنی نوێنەرانی عیراق، بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند: "پاڵپشت بەماددەكانی 67 و 140 ی دەستووری عیراق، یاداشتێكم ئاڕاستەی سەرۆككۆماری عیراق وەك پارێزەری یەكەمی دەستوور كردووە و داوامكردووە رێوشوێنی پێویست بۆ هەڵوەشاندنەوەی پیلانی بەقەزاكردنی ناحیەی قەرەتەپە و دەستكاریكردنی باری دیمۆگرافی و سنووری كارگێڕی و جوگرافی ناوچە كوردستانییە جێناكۆكەكان بگیرێتەبەر، كە پێشێلكارییەكی روونی ماددەی 140 ی دەستوورە".

"هەفتەی رابردووش سەرپەرشتی هەڵمەتی كۆكردنەوەی ئیمزای سەرۆكی فراكسیۆنەكان و ئەندامانی ئەنجومەنی نوێنەرانم كرد و  105 ئیمزام لە دژی بەقەزابوونی قەرەتەپە و دەستكاریكردنی باری دیمۆگرافی و كارگێڕی ناوچە كوردستانییە جێناكۆكەكان كۆكردەوە و بەنووسراوی رەسمی فراكسیۆنی یەكێتی ئاڕاستەی سێ سەرۆكایەتییەكەی عیراق و وەزارەتی پلاندانان كرا، سەرەنجامی یەكەمی هەوڵەكانمان ناحیەی كوڵەجۆی زەنگاباد لە پیلانەكە دەرهێنرا، ماوەتەوە كۆی پیلانەكە هەڵبوەشێنرێتەوە" كاروان یاروەیس وايوت.

PUKMEDIA

دەقی یاداشتەكەی بڕیاردەری فراكسیۆنی یەكێتی: