بە 132 فڕۆكەو هێلیكۆپتەر هەوڵی كۆنترۆڵكردنی ئاگرەكەی توركیا دەدرێت

ئاژانسی هەواڵی ئەنادۆڵ

ئاگرەكەی بۆرسای توركیا

ئاگرێكی گەورە لە دارستانەكانی بۆرسای توركیا كەوتووەتەوە و بەهۆیەوە هەزاران كەس ماڵەكانیان جێهێشتووە، هاوكات بە 132 فڕۆكەو هێلیكۆپتەر هەوڵی كۆنترۆڵكردنی ئاگرەكە دەدرێت و حەوت تۆمەتباریش دەستگیركراون.

ئاگرەكەی دارستانەكانی پارێزگای بۆرسا لە تەشەنەسەندندایە و مەترسی لێدەكرێت بگاتە ئەنكەرەی پایتەختی توركیا، بەپێی ئامارە سەرەتاییەكان، تا ئێستا سێ‌ هەزار و 515 كەس لە گوندەكانی دەوروبەری بۆرسا ماڵەكانیان چۆڵكردووە و زۆربەی دارستانی ناوچەكەش سوتاوە، هاوكات نزیكەی 70 یەكەی شوێنی نیشتەجێبوون زیانیان بەركەوتووە.

میدیاكانی توركیا لەسەر زاری عەلی یەرلیكا وەزیری ناوخۆی وڵاتەكە رایگەیاندووە: "حەوت تۆمەتباریان دەستگیركردووە كە پەیوەندییان بە ئاگركەوتنەوەی رۆژانی 22 بۆ 27ی تەمموزەوە هەبووە و لێكۆڵینەوە بەردەوامە".

راشیانگەیاندووە: "بە 27 فڕۆكە و 105 هێلیكۆپتەر و 25 هەزار كارمەند و 132 هەزار خۆبەخش هەوڵی كۆنتڕۆڵكردنی ئاگرەكە دەدرێت".

لە رۆژی 22ی 7ی 2025 ەوە دارستانی شارۆچكەكانی كەستەل و گۆرسو دەسووتێن و بەهۆیەوە چەندین دۆنم لە دارستانەكان سووتاوە و زیانی ماددی زۆریش بەر گوندەكانی سنوورەكە كەوتوون.

PUKMEDIA