دوای زیاتر له‌ 31 ساڵ وه‌یسی ئاكتاش ئازادكرا

ANF English

وه‌یسی ئاكتاش

دوای 31 ساڵ و سێ مانگ وه‌یسی ئاكتاش كه‌ له‌ زیندانی ئاسایشی باڵای جۆری ئێف ئیمراڵی زیندانی كرابوو ئازاد كرا، هه‌رچه‌نده‌ له‌ 28ی نیسانی 2024 ماوه‌ی 30 ساڵی له‌زیندان ته‌واوكرد، به‌ڵام به‌ بڕ‌یارێكی ده‌سته‌ی كارگێڕ‌ی و به‌دواداچوون ئازادكردنه‌كه‌ی بۆ ماوه‌ی ساڵێك دواخرا، به‌ڵام دواجار دوێنێ هه‌ینی ناوبراو ئازاد كرا.

وه‌یسی ئاكتاش، خه‌ڵكی شاری ماردینه‌ و له‌شاری ئامه‌د گه‌وره‌ بووه‌، گه‌ریلای پارتی كرێكارانی كوردستان بووه‌، پاش 31 ساڵه‌كه‌ش سه‌ره‌ڕ‌ای ته‌واوبوونی ماوه‌ی زیندانییه‌كه‌ی، به‌ڵام بۆ سێ مانگی تر ئازادكردنه‌كه‌ی دواخراوە.
  
له‌ ساڵی 2015 وه‌یسی ئاكتاش، له‌گه‌ڵ مه‌همه‌ت سایت یڵدرم، عومه‌ر حه‌یری كۆنار، چه‌تین ئه‌ركه‌ش و نه‌سروڵڵا كوران، بۆ ئه‌ركی سكرتارییه‌ت له‌ كاتی به‌ناو "پرۆسه‌ی چاره‌سه‌ركردن" له‌ نێوان ساڵانی 2013 بۆ 2015 بۆ زیندانی ئیمراڵی گوازرایه‌وه‌ و دواتر بۆ زیندانی كریكاڵێ گوازرایه‌وه‌ و لەوێ مایەوە.

دواجار رۆژی 25ی7ی2025 وه‌یسی ئاكتاش ئازاد كرا، ئه‌مه‌ش هاوكات بوو له‌گه‌ڵ سه‌ردانی وه‌فدی ئیمراڵیی ده‌م پارتی، کە له‌گرتووخانه‌ی ئیمراڵی كۆبوونه‌وه‌یان له‌گه‌ڵ عه‌بدوڵڵا ئۆجه‌لان ئەنجامدا.

PUKMEDIA