PUKMEDIA هۆكاری بەرزبوونەوەی داهاتی سلێمانی ئاشكرا دەكات

شەفافییەت

داشبۆردی شەفافییەت

داهاتی یەك هەفتەی سلێمانی لە رۆژی 19ی7ی2025 تا 25ی7ی2025 ، بڕی زیاتر لە 87 ملیار دینار بووە و بەپێی زانیارییەكانی PUKMEDIA، بەرزبوونەوەی داهاتەكە بۆ ئەوە دەگەڕێتەوە كە 92%ی داهاتەكە بەشێوەی مقاصەیە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە، بەشێوەیەك بڕی 87 ملیار و 229 ملیۆن و 625 هەزار و 390 دینار بووە، بەجۆرێك كە 8% ی داهاتەكە بەشێوەی نەختینەیە و  92%ی بەشێوەی مقاصەیە.

بەپێی زانیارییەكانی PUKMEDIA، بەرزبوونەوەی داهاتی هەفتەی رابردووی سلێمانی بۆ ئەوە دەگەڕێتەوە كە 80 ملیار دینار كە دەكاتە 92%ی داهاتەكە بەشێوەی مقاصەیە.

هاوكات داهاتی هەفتەی رابردووی سلێمانی، تەنها 8% ی بەشێوەی نەختینەیە، بەمەش بەراورد بە هەفتەكانی دیكە داهاتی نەختینەی سلێمانی تا رادەیەك كەمیكردووە. 

 رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت  www.shafafiat.com ، بڕیارە هەموو رۆژێك داهاتی ئەو شوێنانە بڵاوبكرێتەوە.

PUKMEDIA