سەرۆکایەتی کۆمار: لێکۆڵینەوە لەپەلاماری سەر کێڵگە نەوتییەکانی هەرێم بکرێت

نوسینگەی راگەیاندنی سەرۆکایەتی کۆمار

سەرۆکایەتی کۆمار

لەبەیاننامەیەکدا سەرۆکایەتی کۆمار رایدەگەیەنێت:"داوا لە دەزگا ئەمنییەکانی پەیوەندیدار لە حکومەتی فیدراڵی و حکومەتی هەرێم دەکەین، ڕێوشوێنی گونجاو و بەپەلە بگرنەبەر بۆ ئاشکراکردنی تاوانباران و رێگریکردن لە دووبارەبوونەوەی ئەم جۆرە هێرشە تیرۆریستییانەی کرانە سەر کێڵگە نەوتییەکانی خورمەڵە لە هەولێر و سەرسەنک لە دهۆک و هەروەها ناوچەکانی دیکە.

لەبەیاننامەیەکدا کە وێنەیەکی بۆ PUKMEDIA نێردراوە، سەرۆکایەتی کۆمار رایگەیاندووە:" پەلاماردانی کێڵگە نەوتییەکانی خورمەڵە لە هەولێر و سەرسەنگ لە دهۆک و هەروەها ناوچەکانی دیکە ئیدانە دەکەین و پێمانوایە دووبارەبوونەوەی ئەم پەلامارە ئاشکرایانە هەڕەشە لە ئاسایش و سەقامگیری وڵات دەکات و بناغەکانی ئابووری لاواز دەکات، جگە لەوەی  بەرژەوەندییە گشتیەکانی دەوڵەت دەکاتە ئامانج و هەڕەشە بۆ سەر سەلامەتی هاووڵاتیان دروست دەکات".

ئاماژە بەوەشکراوە،"بۆیە  پێویستە بە هەوڵی زیاتر بدرێت بۆ پاراستنی  ئابووریی و دابینکردنی کەشێکی گونجاو بۆ کۆمپانیاکانی وەبەرهێنان بۆ ئەوەی لە وڵاتدا کاربکەن".

هەر لە بەیاننامەکەدا سەرۆکایەتی کۆمار داوا لە دەزگا ئەمنییەکانی پەیوەندیدار لە حکومەتی فیدراڵی و حکومەتی هەرێم دەکات، ڕێوشوێنی گونجاو و بەپەلە بگرنەبەر بۆ ئاشکراکردنی تاوانباران و ڕێگریکردن لە دووبارەبوونەوەی ئەم جۆرە هێرشە تیرۆریستییانە، کە مەترسی لەسەر ئابووری عێراق و ئاسایش و سەلامەتی هاووڵاتیانی دروست دەکەن.


PUKMEDIA