مەكتەبی راگەیاندن و هۆشیاری هەواڵێكی بێ سەرچاوە رەتدەكاتەوە

PUKMEDIA

بارەگای بۆردی راگەیاندنی یەكیتیی نیشتمانیی كوردستان

مەكتەبی راگەیاندن و هۆشیاری هەواڵێكی بێ سەرچاوەی هەندێ وێب تیڤی و پەیجی ساختەو بێ خاوەن رەتدەكاتەوە و رایدەگەیەنێت: "لێپرسراوی مەكتەب هەر بۆچوون و زانیارییەكی هەبێت لە میدیای رەسمی یەكێتییەوە بڵاوی دەكاتەوە".

مەكتەبی راگەیاندن و هۆشیاری یەكێتیی نیشتمانیی كوردستان لە راگەیەندراوێكدا هەواڵێكی بێ سەرچاوە رەتدەكاتەوە و ئاماژە بەوەدەكات: "هەندێك  بەناو میدیای ناپیشەیی وەك پیشەی هەمیشەییان، هەواڵێكی داتاشراو ساختەیان  بەناوی هەڤاڵ عیماد ئەحمەد، لێپرسراوی مەكتەبی راگەیاندن و هۆشیاری یەكێتییەوە بڵاوكردووەتەوە، لەبارەی دەرئەنجامی كۆبوونەوەی دوێنێی هەردوو مەكتەبی سیاسی یەكێتی و پارتی.

ئەوەشدەخاتەڕوو: "ئێمە لەم روونكردنەوەیەدا، جگە لەئەوەی سەرلەبەری هەواڵەكە رەتدەكەینەوە، بۆ رای گشتی ئاشكرادەكەین هەڤاڵ عیماد ئەحمەد هیچ لێدوانێكی لەو رووەوە نەداوە و هەر مەبەست و بۆچوون و زانیارییەكیش هەبێت لە میدیای رەسمی یەكێتییەوە بڵاوی دەكاتەوە".

PUKMEDIA