سه‌رۆکایه‌تیی هه‌رێم:عیراق رێكاری به‌په‌له‌ بۆ رێگری لە هێرشەکان بگرێته‌به‌ر

PUKMEDIA

لۆگۆی سەرۆکایەتی هەرێمی کوردستان

سەرۆکایەتیی هەرێمی کوردستان لەسەر هێرشە درۆنییەکان بۆ سەر ناوچە جیاوازەکانی هەرێم راگەیەندراوێکی بڵاوکردەوە و داوای لە حکومەتی عیراق کرد:" هه‌موو ڕێكارێكى به‌په‌له‌ و پێويست بگرێته‌ به‌ر بۆ ڕێگه‌گرتن له‌و هێرشانه‌ و دۆزينه‌وه‌ى هێرشبه‌ران و سزادانيان".

سەرۆکایەتی هەرێم لە راگەیەندراوەکەیدا، ئاماژەی بەوەکردووە:"به‌ تووندى سه‌ركۆنه‌ى ئه‌و هێرشانه‌ ده‌كه‌ين كه‌ به‌ درۆن ده‌كرێنه‌ سه‌ر ژێرخان و ناوچه‌ جیاجياكان له‌ هه‌رێمى كوردستان و له‌و چوارچێوه‌يه‌دا دوێنێ و ئه‌مڕۆ كێڵگه‌ى نه‌وتييان له‌ ناوچه‌كانى خورمه‌ڵه‌ و سه‌رسنگ به‌ ئامانج گرتووه‌".

 ئاماژەی بەوەشکردووە:"حكوومه‌تى فيدراڵى عیراق پێويسته‌ هه‌موو ڕێكارێكى به‌په‌له‌ و پێويست بگرێته‌ به‌ر بۆ ڕێگه‌گرتن له‌و هێرشانه‌ و دۆزينه‌وه‌ى هێرشبه‌ران و سزادانيان".

 لە کۆتایشدا، سه‌رۆکایه‌تیی هه‌رێمی کوردستان رایگەیاندووە:" ئه‌و هێرشانه‌ سه‌قامگيرى و سه‌روه‌ريى وڵات و وه‌به‌رهێنانى ناوخۆيى و بيانى ده‌خه‌نه‌ مه‌ترسييه‌وه‌".

PUKMEDIA