پڕ‌ۆسه‌ی گواستنه‌وه‌و دابه‌زاندن له‌زانكۆو په‌یمانگاكان ده‌ستیپێكرد

ميدياكان

خوێندكارانی زانكۆی سلێمانی

له‌ ئه‌مڕ‌ۆوه‌ پڕ‌ۆسه‌ی گواستنه‌وه‌و دابه‌زینی خوێندكاران له‌نێوان زانكۆكان به‌شێوەیەکی ئه‌لكترۆنی ده‌ستیپێكرد.

وه‌زاره‌تی خوێندنی باڵاو توێژینه‌وه‌ی زانستی پڕ‌ۆسه‌ی گواستنه‌وه‌و دابه‌زینی خوێندكاران بۆ ساڵی نوێی خوێنـدنی (2025-2026) به‌شێوه‌ی ئه‌لكترۆنی رایده‌گه‌یه‌نێت، پڕ‌ۆسه‌كه‌ له‌ ئه‌مڕ‌ۆوه‌ 15ی7ی2025 تاكو 31ی8ی2025 به‌رده‌وامده‌بێت و مه‌رجه‌ فه‌رمانی ده‌رچوونی زانكۆیی تایبه‌ت به‌ گواستنه‌وه‌ یان دابه‌زین له‌ 15ی9ی2025 تێپه‌ڕ‌نه‌كات.

به‌مه‌به‌ستی به‌رچاوڕ‌وونی بۆ ئه‌و خوێندكارانه‌ی ده‌یانه‌وێت پڕ‌ۆسه‌ی گواستنه‌وه‌و دابه‌زاندن ئه‌نجامبده‌ن، كلیك له‌سه‌رئه‌م لینكه‌ فێركاریه‌ی خواره‌وه‌ بكه‌ن دواتر ده‌ست بكه‌ن به‌ پرۆسه‌كه‌ بۆ ئه‌وه‌ی ڕ‌وبه‌ڕ‌ووی هه‌ڵه‌ نه‌بنه‌وه‌، له‌ هه‌مانكاتدا هه‌ر خوێندكارێك پرسیار یان سه‌رنجێكی هه‌بێت وێڕ‌ای خوێندنه‌وه‌ی ده‌قی رێنماییه‌كان، ده‌توانێت پرسیاره‌كانی ئاڕاسته‌ی تۆماری هه‌ریه‌ك له‌ زانكۆكان بكات و وه‌ڵام ده‌درێته‌وه‌.

تێبینی:

1/ ئه‌گه‌ر خوێندكار (یوزه‌رنه‌یم و پاسۆردی) نه‌بوو یاخود له‌ یادی كردبێت، بۆ چونه‌ ناو سیستمی گواستنه‌وه‌و دابه‌زین، ئه‌وا ژماره‌ی تاقیكردنه‌وه‌ی پۆلی 12ی ئاماده‌یی ده‌بات بۆ تۆماری زانكۆكه‌ی پرۆسه‌كه‌ ئه‌نجامده‌دات.

2/ بۆ ئه‌نجامدانی پرۆسه‌ی گواستنه‌وه‌و دابه‌زین پێویست ناكات هیچ خوێندكارێك سه‌ردانی وه‌زاره‌ت بكات، چونكه‌ پرۆسه‌كه‌ به‌ ئه‌لیكترۆنی ئه‌نجام ده‌درێت.

3/ پێویسته‌ له‌ ماوه‌ی دیاریكراودا خوێندكاران مامه‌ڵه‌كانیان ته‌واو بكه‌ن، چونكه‌ له‌ده‌ره‌وه‌ی ئه‌م ماوه‌یه‌ مامه‌ڵه‌كه‌ی جێبه‌جێناكرێت.

- بۆ ئه‌نجامدانی پرۆسه‌ی گواستنه‌وه‌و دابه‌زین كلیك له‌سه‌ر ئه‌م لینكه‌ی خواره‌وه‌ بكه‌ن:
https://regayzanko.com/

- بۆ بینی گشتاندنی وه‌زاره‌ت تایبه‌ت به‌ ڕ‌ێنمایی گواستنه‌وه‌و دابه‌زین كلیك له‌سه‌ر ئه‌م لینكه‌ی خواره‌وه‌ بكه‌ن:
https://drive.google.com/.../1HiKzu6z.../view...

PUKMEDIA