سەرۆكایەتییەكان تەئكید لە پابەندبوونی عیراق بە پەیماننامە نێودەوڵەتییەكان دەكەنەوە

راگەیاندنی سەرۆككۆماری عیراق

كۆبوونەوەی سەرۆكایەتییەكان لە كۆشكی بەغدا

ئەمڕۆ 8 ی تەمووزی 2025، سەرۆكایەتییەكان لە كۆشكی بەغدا بە ئامادەبوونی د.لەتیف جەمال رەشید سەرۆككۆمار و محەمەد شیاع سودانی سەرۆكوەزیران و د.مەحمود مەشهەدانی سەرۆكی ئەنجومەنی نوێنەران، كۆبوونەوە.

لەكۆبوونەوەكەدا بارودۆخی ناوچەكە و پەرەسەندنەكان و پێویستی پاراستنی ئەو رێچكەی حكومەت گرتوویەتییەبەر لەڕێگەی دوورخستنەوەی عیراق لەمەترسییەكان و پاراستنی سەلامەتی وڵات تاوتوێكران.

هەروەها سەرۆكەكان ئامادەكارییەكانی هەڵبژاردنی ئەنجومەنی نوێنەرانیان تاوتوێ كرد و پشتیوانی لەو هەنگاوانەی كۆمیسیۆنی باڵای سەربەخۆی هەڵبژاردنەكان گرتوویانەتەبەر بۆ ئەنجامدانی هەڵبژاردنێكی ئازاد و دادپەروەرانە لە وادەی دیاریكراوی 11 ی تشرینی دووەمی 2025 باسكرا . 

سەرۆكەكان گفتوگۆیان لەسەر بابەتی پەیماننامەی رێكخستنی دەریاوانی لە خورعەبدوڵڵا كرد كە لەلایەن ئەنجوومەنی نوێنەرانەوە بە پێی یاسای (42) ی ساڵی 2013 پەسند كرا، كە دادگای باڵای فیدراڵی بە بڕیاری ژمارە 105 / و یەكگرتوو 194 / فیدراڵی / 2023 بە نادەستووری بوونی یاساكەی ناساند.

لەكۆتایدا بەم شێوەیە رێككەوتن:

1. هەستانی ئەنجومەنی نوێنەران بە چارەسەركردنی رێوشوێنی یاسایی پێویست بەپێی بڕیاری دادگای فیدراڵی كە پێویستی بە دووبارە دەركردنی یاسای پەسندكردنی پەیماننامەكە بە شێوەیەكی پرەنسیپی.

2. سەرۆكایەتی كۆمار و ئەنجومەنی وەزیران داواكاری هەڵوەشاندنەوەی یاساكە بۆ دادگای فیدراڵی دەكشێننەوە بەهۆی نەبوونی پێویستی پاش جێبەجێكردنی پڕۆسەی یاسادانان.

3. دووپاتكردنەوەی پابەندبوونی عیراق بە پەیماننامە نێودەوڵەتییەكان و پەیماننامەی نەتەوە یەكگرتووەكان و بڕیارەكانی ئەنجومەنی ئاسایش.

هاوكات سەرۆكەكان جەختیان لەوە كردەوە كە پێویستە بە وریاییەوە مامەڵە لەگەڵ دۆسیە نێودەوڵەتییەكان بكرێت و بۆ مشتومڕ و داواكاری سیاسی و میدیایی بەكار نەهێنرێن، چونكە ئەمە زیان بە ماف و ناوبانگی دەرەكی و بەرژەوەندییەكانی عیراق دەگەیەنێت.

PUKMEDIA