لە بەرامبەر وەستانی جەنگی غەزە... ترەمپ پێشنیاری بەڵێنی سوریا دەکات

USA Today

دۆناڵد ترەمپ سەرۆکی ئەمریکا

دۆناڵد ترەمپ سەرۆکی ئەمریکا پێشنیاردەکات لە بەرامبەر وەستانی جەنگی غەزە، ئیسرائیل و سوریا رێککەوتنی ئاسایی کردنەوەی پەیوەندییەکانیان ئیمزا بکەن.

بەپێی رۆژنامەی" ئیسرائیل هیوم" ترەمپ نێردەیەکی تایبەت بەخۆی رەوانەی دیمەشق کردووە، بۆ ئەوەی رێککەوتنی سوریا و ئیسرائیل جێگیر بکات، کە تایبەتە بە ئاسایی کردنەوەی پەیوەندییەکانی نێوانیان، ئەمریکاش گەرەنتی پاراستنی دەکات".

راشیگەیاندووە:" سەرۆکی ئەمریکا لە بەرامبەر وەستانی جەنگی غەزە، پێشنیاری رێککەوتنەکەی کردووە".

لەلایەکی دیکەوە، کۆشکی سپی لە راگەیەندراوێکیدا ئاماژەی بەوەکردووە:" کاری لە پێشینەی سەرۆکی ئەمریکا وەستانی جەنگی غەزە و ئازادکردنی بارمتەکانن".

رۆژی یەکشەممە، دۆناڵد ترەمپ رایگەیاند:" هەلێکی نوێ هاتۆتە پێشەوە کە ئەم هەفتەیە رێککەوتنی ئاگر بەست ئەنجام بدرێت".

 ئەمەش لە کاتێکدایە، بنیامین نەتانیاهۆ سەرۆکوەزیرانی ئیسرائیل، ئێستا بە سەردانێکی رەسمی لە ئەمریکایە و بڕیارە ئەمڕۆ لەگەڵ سەرۆکی ئەمریکا کۆببێتەوە، ئەمەش سێیەم سەردانییەتی لەو کاتەوەی ترەمپ لە سەرەتای ئەمساڵەوە پۆستی سەرۆکایەتی وەرگرتووە.

PUKMEDIA