رۆژنامەی سەباح ناوەڕۆکی رێککەوتنی سەرەتایی نێوان هەرێم و بەغدا بڵاودەکاتەوە

میدیاکان

ئاڵای کوردستان و عیراق

رۆژنامەی سەباحی عیراقی رایدەگەیەنێت: حکومەتی فیدراڵ و هەرێم لەسەر چەند خاڵێک رێککەوتوون، بەپێی رێککەوتنەکە "حکومەتی هەرێم 300 هەزار بەرمیلی رۆژانە رادەستدەکات و 46 هەزاریش وەک بەکارهێنانی ناوخۆیی دەهێڵێتەوە".

بەپێی رۆژنامەکە:" لە ماوەی 48 سەعاتی رابردوودا هەوڵێکی زۆر دراوە تاوەکو کێشەکانی نێوان عیراق و هەرێم چارەسەربکرێت لەسەروی هەموویانەوە کێشەی مووچە و هەناردەکردنەوەی نەوت".

 سەباحی عیراقی ئاشکراشی کردووە:" بەپێی رێککەوتنی سەرەتایی نێوان حکومەتی هەرێم و عیراق، رۆژانە هەرێمی کوردستان 300 هەزار بەرمیل نەوت لە رێگای کۆمپانیای سۆمۆوە رادەستی عیراق دەکات و 46 هەزار بەرمیل نەوتیش بۆ بەکارهێنانی ناوخۆیی دەهێڵێتەوە".

 رۆژنامە رەسمییەکەی عیراق ئاماژەی بەوەشکردووە:" چاوەڕاندەکرێت لە کۆبوونەوەی ئەمڕۆی ئەنجومەنی وەزیرانی عیراقدا باس لە رێککەوتنەکە بکرێت و لە چەند سەعاتی داهاتووشدا بەڕەسمی رێککەوتنەکە ئیمزا بکرێت".

PUKMEDIA