ئه‌مڕۆ هاوكاری هاوپه‌یمانان بۆ وه‌زاره‌تی پێشمه‌رگه‌ خه‌رجده‌كرێت

PUKMEDIA

دراوی عیراقی

بڕیارە ئەمڕۆ هاوكاری هێزه‌كانی هاوپه‌یمانان بۆ مانگی 6 بخرێتە سەر هەژماری ئه‌فسه‌ر و پله‌دار و پێشمه‌رگه‌ی لیوا هاوبەشەکانی وەزارەتی پێشمەرگە، کە ژمارەیان 64 هەزار و 244 کەسە.

لەڕاگەیەنراوێکدا به‌ڕ‌ێوه‌به‌رایه‌تی گشتی ژمێریاری سه‌ربازی له‌ وه‌زاره‌تی پێشمه‌رگه‌ رایگه‌یاند:" ئه‌مڕۆ دووشه‌ممه‌ 7ی7ی2025 بڕی هاوكاری هێزه‌كانی هاوپه‌یمانان بۆ مانگی 6 ده‌خرێته‌ سه‌ر هه‌ژماری ئه‌فسه‌رو پله‌داران و ده‌توانن وه‌ریبگرن".

 وه‌زاره‌تی پێشمه‌رگه‌ ئاماژەی بەوەشکردووە،"له‌م مانگه‌دا، 64 هەزار و 244 ئه‌فسه‌رو پله‌دارو پێشمه‌رگه‌ سوود له‌هاوكارییه‌كه‌ وه‌رده‌گرن".

ئەمەش لەکاتێکدایە، هێزه‌كانی هاوپه‌یمانان مانگانە 20 بۆ 25 ملیۆن دۆلار وەک هاوکاری بۆ لیوا هاوبەشەکانی پێشمەرگە دەنێرێت.

PUKMEDIA