شێخ جەعفەر و کۆڵۆنێڵ پیتەر تەئکید لەبرەودان بە پەیوەندییەکانی عیراق و ئەڵمانیا دەکەنەوە

نوسینگەی رۆژنامەوانی جێگری سەرۆکی هەرێم

شێخ جەعفەر شێخ مستەفا و کۆڵۆنێڵ پیتەر کوپەر

جێگری سەرۆکی هەرێم لەگەڵ وەفدێکی سەربازیی هێزی هاوپەیمانیی ئەڵمانیا کۆبووەوە.

ئێوارەی ئەمڕۆ سێشەممە 1ی7ی2025  شێخ جەعفەر شێخ مستەفا جێگری سەرۆکی هەرێمی کوردستان پێشوازیی لە کۆڵۆنێڵ پیتەر کوپەر فەرماندەی سەربازیی هێزی هاوپەیمانیی ئەڵمانیا و وەفدێکی یاوەری کرد.

لە کۆبوونەوەکەدا، باس لە دوایین بارودۆخی ئاسایشی عیراق و هەرێمی کوردستان بە شێوەیەکی گشتیی کرا، هەروەها دەربارەی شانە نووستوەکانی داعش و پاشماوەکانی تیرۆر و مەترسییەکانیان بۆ سەر ناوچەکە، گفتووگۆ کرا. 

هەردوولا جەختیان لە بەردەوامیی و برەودان بە پەیوەندییەکانی نێوان ووڵاتی ئەڵمانیا و ‏هەرێمی کوردستان کردەوە و رۆڵ و گرنگی هێزەکانی هاوپەیمانیی ئەڵمانیا و هاوکارییە سەربازییەکانیان بۆ عیراق و هەرێمی کوردستان، بە گرنگ زانی.

هاوکات دوایین پێشهات و ئاڵۆزییەکانی رۆژهەڵاتی ناوەڕاست، پاراستنی ئاسایش و سەقامگیری ناوچەکە، پرۆسەی چاکسازیی و یەکخستنەوەی پێشمەرگە، پێکهێنانی کابینەی نوێی حکومەتی هەرێمی کوردستان و چارەسەرکردنی کێشەکانی نێوان هەولێر و بەغدا لە چوارچێوەی دەستوور، تەوەرێکی دیکەی کۆبوونەوەکە بوو.

PUKMEDIA