شەپۆلیكی گەرما روو لە هەرێم و عیراق دەكات

ميدياكان

شەپۆلی گەرما

 شەپۆلێكی گەرما هەرێمی كوردستان و عیراق و دەگرێتەوە و لە هەندێك ناوچەدا پلەكانی گەرما دەگاتە 50 پلەی سیلیزی، دەستەی كەشناسی عیراقیش رایدەگەیەنێت: "شەپۆلی گەرماكە تەواوی پارێزگاكانی هەرێم و عیراق دەگرێتەوە".
 
دەستەی كەشناسی عیراق لە راگەیەندراوێكیدا هاووڵاتیان ئاگادار دەكاتەوە خۆیان لە بەركەوتنی تیشكی خۆر بپارێزن و دەڵێت: "شەپۆلی گەرماكە لە ئەمڕۆوە 29/6 دەستپێدەكات و پلەكانی گەرما لە پارێزگاكانی عیراق و هەرێم بەرزدەبنەوە، كە لە هەندێك ناوچە بۆ 50 پلە بەرزدەبێتەوە".
 
 بەگوێرەی راگەیەندراوەكە لە شەوی دووشەممەوە پلەكانی گەرما نزم دەبنەوە و كەشی ئاسایی هاوینە دەگەڕێتەوە، كە پلەكانی گەرما لە خوار ئاستی مامناوەندەوە دەبێت بۆ ماوەی چەند رۆژێك. 
 
دەستەی كەشناسی عیراق داوا لە هاووڵاتیان دەكات لە بەركەوتنی راستەوخۆی تیشكی خۆر دوور بكەونەوە بەتایبەتی لە كاتی نیوەڕۆدا، هەروەها رۆژانە بڕێكی زۆر لە ئاو شلەمەنی بخۆنەوە.

PUKMEDIA